''Grátiklivar'' til fólk í besta aldri
Amerikansk ungfólk í besta blóma, forkelað við framíhjárætti sum lesandi á universitetum, halda seg ikki orka meiri mótburð, enn at Trump er forseti.
Til tess at ganga tørvinum á sálarugga hjá hesum abbabørnum teirra, sum upp undir hendur í sjógv við 50 kilo á baki stormaðu í land á strondunum í Normandínum í týskum kúluregni og gjøgnum minufelt í sandinum, hevur University of Utah sett upp tað, tey kalla “grátiklivar”, skáp, kassar ymsastani.
Hesar grátiklivar hevur ein handverkari, ið nú lesur verkfrøði, smíðað, har tey kenslubleytu kunnu leita sær ugga í einsemi fyri sína sorg. Hesir kassar eru polstraðir innan við svørtum floyalsklæddum skúmgummi.
Í troystarklivanum eru útstappað bleyt dýr, sum studentarnir kunnu klemma og klappa, meðan tey gráta um støðuna í USA við Trump sum forseta.
Tað er væntandi, at hesar úrkynjaðu bloyturnar, “snowflakes” (kavaflykrur), so eyknevnd tí tey bráðna so lætt, tá tað ornar rundan um tey, fáa líknandi tilboð um “grátiklivar” á øðrum amerikanskum universitetum.
Í Bretlandi eru líknandi tilboð, men enn er ikki frætt um mobilar grátikassar har.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur