Møtti ISIS manni í Týsklandi
Ein Yazidi kvinna, sum fyri 5 árum síðan bleiv seld í Iraq, møtti fyrrverðandi eigara sínum uttanfyri ein handil í Týsklandi
Í Týsklandi upplýsir ákæruvaldi, at teir fara at kanna upplýsingarnar frá einari 19 ára gamlari Yazidi kvinnu, sum hevur upplýst, at tann maðurin, sum keypti hana sum sex-træl fyri 4 árum síðan í Irak, steðgaði henni á gøtuni í Týsklandi.
Ashwaq Haji Hami var bara 14 ára gomul, tá hon bleiv seld sum sex-trælur fyri 700 krónir. Hetta hendi í heimlandinum Iraq. Tað var ein stríðsmaður hjá ISIS, sum keypti hana. Tað eyðnaðist henni at flýggja 3 mánar seinni og hon og mamman og beiggin flýggjaðu til Týsklands.
Í 2016 steðgaði ein bilur henni, uttanfyri ein matvøruhandil. Í bilinum var sami maður, sum 3 ár frammanundan hevði keypt hana fyri 700 krónur. Hann segði hann visti hvar hon búði. Hann visti tað mesta um hana.
Hon boðaði løgregluni frá, men so at siga einki hendi. Hon valdi tí at fara heim aftur til IRAQ, tí hon metti tað at verða ótrygt í Týsklandi. Og í Iraq er sjálvandi eisini ótrygt, men tá kann hon verða saman við systrunum og restini av familjuni.
Düzen Tekkal, stovnari av Hawar hjálparfelagsskapinum í Berlin, upplýsir, at tað er fleiri ferðir hent, at Yazidi kvinnur hava boða frá, at tær hava møtt ISIS stríðsmonnum í Týsklandi
Mest lisið í farnu viku
Samband
Heygsvegur 8
490 Strendur