Amerikanski ambassadørurin í Danska kongaríkinum vitjar í hesum døgum í Føroyum. Ambassadørurin eitur Carla Sands. Hon er 57 ára gomul. Hon er úr einum lítlum plássi í Pennsylvania. Hon hevur tó búð í Los Angeles í nógv ár.

Carla Sands tók við í desember í fjør. Hon segði tá, at hon ætlaði at vitja bæði Føroyar og Grønland. Nú er hon so komin til Føroyar.

Hon hevur vitja nógva ymsa staðni í Føroyum. R7 gjørdi samrøðu við hana, tá hon týsdagin vitjaði í Eysturoynni.

Hon var sera fyrikomandi, tó at vit bert fingu eina stutta samrøðu. Hon segði, at hon var sera glað fyri at Bakkafrost hevði stovna eina fyritøku í USA og tað skapti 35 arbeiðspláss í USA. Hon segði eisini, at hon ynskti størri samhandil millum USA og Føroyar.

Hon hevði eisini nógv rósandi orð um tað, sum hon hevði sæð í Føroyum. Hon segði, at matstovurnar vóru framúr góðar. Tær kunnu samanberast vit tað besta av tí besta. Hon nevndi eisini at hon hevði vitja ein bóndagarð, har tey kundu telja nógv ættarlið við somu familju sum eigara. Hon segði, at hon dámdi sera væl í Føroyum.

Vit spurdu sjálvandi eisini um Donald Trump. Hon segði, at hon helt at tað gekk væl. Arbeiðsloysi er tað lægsta í søguni hjá bæði svørtum og teimum úr Mið- og Suðuramerika. Ungdómsarbeiðsloysi hevur ikki verið so lágt síðan rekordina, sum var í 60unum. Og hon legði dent á, at America First skal ikki skiljast sum at bara USA skal frameftir. Tað skal skiljast, sum at eisini USA skal frameftir. 

Somuleiðis segði hon, at tey sum starta virkir eru mest innflytarar og kvinnur og tað gleðist hon um. 

Carla Sands hevur verið í fleiri serium og onkrum filmum. Hon luttók í einari sjónvarpsseriu, sum eitur, The Bold and the Beautiful í 1987. 1st & Ten The Championship er eisini frá 1987  Monsters í 1991 Tveir filmar bleiv tað eisini til. Deathstalker and the Warriors from Hell  í 1988 og Wild Zone í 1989.

Hon hevur eisini eina doktaragrad í kiroprakti.

Annars er Carla Sands sera vælhavandi. Hon og maðurin seldu fyritøkuna, sum tey áttu fyri 15 árum síðan fyri væl yvir 1/2 milliard. Síðan tá hava tey eisini átt eitt íløgufelag. 

Hon hevur stuðla list og útbúgving. Hon hevur sitið í nevndini í Listasavninum í Los Angeles. Bókasavns nevndini í Los Angeles og í nevndini fyri Los Angeles Philharmonics umframt at hon eisini fyriskipar ein barnafestival á hvørjum ári.

Vit komu eisini fram á upplýsingar frá netmiðlum í Los Angelses, sum vísa, at hon hevur ikki minni enn tvey hús til sølu í ár. Annað fyri 110 milliónir og hitt fyri 240 milliónir.

Trýst á pílin omanfyri at hoyra samrøðu við Carlu Sands (brot úr sendingini "Metis")