Stórur vandi fyri telduálopum
Løgreglan heitir á allar fyritøkur og myndugleikar um at vera á varðhaldi hesum viðvíkjandi ta komandi tíðini.
Løgreglan ávarðar um, at kanningar vísa, at tað í løtuni er stórur vandi fyri telduálopum móti Føroyum. Talan er serliga um sonevnd DDoS-álop - tað vil siga eitt slag av telduálopum, har ein servari verður ovbyraður, soleiðis at hann gerst óvirkin.
“Alt bendir á, at álopini koma frá felagsskapum og einstaklingum, sum eru ímóti grindadrápi,” sigur løgreglan.
Seinastu dagarnar hava minst tvey stór DDoS-álop verið á tvær føroyska heimasíður, og hetta hevði við sær, at báðar síðurnar í løtum gjørdust óvirknar. Somu persónar eru eisini undir illgurna fyri at hava hackað eina føroyska heimasíðu, og síðani at hava latið víðari upplýsingar um bæði teldupostadressur og loyniorð.
Løgreglan heitir á allar fyritøkur og myndugleikar um at vera á varðhaldi hesum viðvíkjandi ta komandi tíðini.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur