Høgni Johansen, sum er sløkkiliðsleiðari í Vestmanna sigur, at tað eru fleiri bygningar í kommununi, sum um illa vit til krevja at sløkkiðiði hevur ein vælútgjørdan stigabil.

Vit høvdu ein gamlan tyskan stigabil framanundan, sum var blivin ótíðarhóskandi til okkara brúk, sigur hann.

Vit hava leita leingi eftir stigabili, sum minst skuldi hava ein stiga sum var 30 til 35 metar langur. 

Høgni leggur aftrat, at nú eru vit komnir til eina góða loysn við einum Mercedes Atros 840. Bilurin er vælútgjørdur við neyðugari útgerð og við einum stiga sum er heili 32,5 metrar langur.

Úti á umleið 26 metrum er ein knekkur á lyftiarminum, so vit kunnu koma nærri, har sløkkjst skal, sigur Høgni.

Sum fyrr nevnt so er bilurin ein Mercedes Atros 840 við einum stiga sum er 32,5 metrar., sum eisini hevur ein vatnkanón, hon kann fjarstyrast av einum manni niðri á vegnum. Kostnaðurin fyri stigabiln er 750.000 kr. 

Vit eru 19 mans atknyttir til sløkkiliðnum í Vestmanna, allir hava neyðuga førleikan, tí vit senda allar menn á skeið javnan, sigur hann at enda.