Rák (13) Fyribyrgjandi vitan um kynsliga misnýtslu av børnum
Flestu tilburðir av kynsligum ágangi móti børnum verða ikki framdur av pædofilum, men av fólki við vanligum kynsligum áhuga. Øll fólk kunnu koma í støður har tey fáa kynsligan hug á børn. Serfrøðingar halda at hendan vitan er neyðug at fáa fram, fyri betur at fyribyrgja kynsligan ágang móti børnum. Hetta hoyra vit m.a. í Rák hesa ferð. Vit hoyra eisini, um eina kanning, sum er gjørd um kynsligan ágang á børn í Føroyum, og um hvørji tekin børn hava, sum eru fyri kynsligari misnýtslu.
Gestur í sendingini er Anna Debes Hentze, sálarfrøðingur, og tosa verður eisini við amerikanska professaran í sosiologi, David Finkelhor. Hann hevur granskað í kynsligari misnýtslu av børnum í meir enn 30 ár.
Tað er Annika Bolton Mortensen, ið er vertur í sendingini Rák, sum er á R7 Kringvarpi mikudagar kl. 13.
Líknandi tíðindi
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur