Spurningur: "Eg eri 20 ára gamal maður. Eri uppvaksin í eini miðal stórari bygd í Føroyum. Uppvøksturin var sum heild góður og tryggur, tó merktur av átrúnaði og kristnum virðum. Pápi er samkomuleiðari, so alt mítt lív havi eg kent meg noyddan at ganga á møti og hjálpt til í samkomuni. Fyri hálvum ári síðani hitti eg eina gentu uttanfyri samkomuna. Vit blivu góð og gjørdust par. Eg má siga at eg kendi tað sum at koma inn í eina nýggja verð. Hon er ikki aktivt kristin, men sigur seg trúgva. Hon er ikki fordømandi og er rúmsátt í sínum hugsanum og meiningum. Eg snøgt sagt dyrki hana og mátin hon er uppá.

Fyri stuttari tíð síðani funnu vit útav at hon er við barn. Vit eru ikki gift og eg veit, at tað fór mín familja ikki at vera glað fyri. Tá vit fortaldu mínum foreldrum tað, var reaktiónin sera løgin. Kendi tað á teimum at tey ikki vóru glað, veit tað er tí at vit ikki eru gift og at tí daman ikki er virkin kristin. Vit eru sjálvandi hjartans fegin og stolt, so tað kennist so løgi at tey ikki kundu gleðast við okkum. Eg bleiv simpulten so skuffaður av reaktiónini hjá míni familju. Hvat halda tit, skal eg góðtaka teirra reaktión, ella skal eg snakka við tey um tað ? Hetta fyllir so nógv í mínum høvdið!"

Tvístøða er kjaksending við Harry Knudsen, Sunnevu Mohr og Arna Zachariassen. Tóri Højgaard er vertur.