Í Tingbjerg í Keypmannahavn búgva 187 serliga tungar tilflytarafamiljur, sum hvør kostar í miðal 443.000 kr um árið.

Tær mest truplaðu 50 familjurnar  kosta skattgjaldarunum 600.000 kr árliga hvør, skrivar Berlingske Tidende.

Tá er kostnaðurin av brotsverkum, viðlíkahaldi av bústøðum o.t. ikki tikin við.

Hesi fólkini fáa kontanthjálp, forsorg, sernám, viðgerð í sálarfrøði, stuðulsfólk, mentorhjálp, tulkar í rættarmálum, eyka løgreglu á varðhaldi.

Berlingske skrivar, at tær 187 serliga tungu familjurnar eru eisini stórar, nógvar við yvir 5 limum. Slíkar familjur fáa ofta onnur tilboð um peningahjálp enn slíkt, ið kommunan hevur skyldu til at gjalda.

Kommunan hevur eftir ávísing frá danska statinum latið útlendskum tilflytarum hesar almennu íbúðirnar í Tingbjerg at búleikast í.

Upprunaliga vóru hesir bústaðir bygdir til arbeiðarafamiljur í náttúruvakra um-hvørvinum við Utterslev Mose sum nakað av tí besta, danska vælferðarskip-anin hevði at bjóða sínum borgarum.

Men tað er langt síðan. Barbaríið hevur gjørt hesar bústaðir til eitt ravnabøli.