Kina setir rakettir upp á Spratly oyggjum
Í áravís hevur Kina kravt ognarrætt til allar oyggjar, ið liggja spjaddar um í Suðurkinesiska havi, hóast onnur lond, ið liggja teim nærri, eisini krevja tær.
Í síðstuni hevur Kina kent seg nóg sterkt hernar- og búskaparliga, til at Peking hevur gjørt av at byggja her-, flota- og loftverjustøðir á teimum.
Amerikanska herleiðslan hevur boðað frá, at umfatandi flogvallir, havnir, skipasmiðjur, manningarbygningar, missilrampur o.t. bygd á hesum oyggjum.
Tær hava í fleiri førum ikki verið størri enn flúrar, sker, grynnur og sandriv, ið eru útbygd við, at nakrir av heimsins størstu dreggjarum hava grabbað sand og grót upp av havsins botni, so oyggjarnar nú eru nógv víðkaðar í vavi.
Men USA veit meiri at siga heimsins miðlum um Spratly: Kinverjar eru nú farnir at seta rakettir á oyggjunum, so tær kunnu nýtast til verju- og álops-endamál móti grannalondum, Vietnam, Filipsoyggjum, Indonesia o.ø.
Sær sunnastu Spratlyoyggjar liggja fleiri túsund fjórðingar frá Kina.
Í 2015 hótti Xi Jing Peng forseti í Kina asiatisk lond við, at Kina fór at militarisera Spratlyoyggjar. Við hesi víðkan av sínum harradømi víðkar Kina sítt vald nógv nærri sínum grannalondum, ið ikki eru nøkur hóttan móti tí veldiga Kina. Nú kenna grannarnir seg hóttar og vóna, USA ger vart við seg.
Donald Trump stjórnin hevur boðað frá alment, at Kina sleppur ikki at hótta lond, ið hava friðarligt samstarv ið USA, uttan at tað fær fylgjur.
Mest lisið í farnu viku
Samband
Heygsvegur 8
490 Strendur