Vatntrot hevur herjað Caracas í summar
Íbúgvarnir í høvuðstaðnum í Venezuela, Caracas, hava verðið illa plágaðir av tosta í summar av vatntroti. So kann ein ímynda sær standin, tá talan er um matgerð uttan vatn og reinføri, bæði persónliga, innan- sum uttandura.
Veðurlagið er tropiskt og 30-stiga hiti er regulin, ikki undantakið, alt árið.
So oman á trot á øllum vørum, neyðsynjar- sum nýtsluvørum, hevur vatntrot herjað milliónir av fólki í og kring høvuðstaðin.
Orsøkina til, at tað ikki hevur lagrað úr 1000-tals kranum, er, at Hidrocapital, tað almenna vatnverkið, virkar einfalt ikki longur.
Sjálvt ikki í regntíðini í summar við fullum vatngoymslum fekst vatn. Byrging-ar, leiðingar og pumpuskipanir hava kostað mia at byggja, men einki batti.
Maduro-stjórnin gevur sum vant “útlendskari uppílegging” í venezuelska búskapin skyld fyri, at alt gongur av skriðuni. Inflatiónin fer upp um 1 mió % í ár, tí sosialistiska stjórnin hevur prentað bolivar-pengar, sum galt tað lívið
Nú hevur ein rulla av vesipappír, ið ikki fæst uttan á svartamarknað, størri virði enn ein beriposi av bolivar-seðlum til at gjalda fyri vesirulluna.
Inflatiónin er vanligur partur av einum sosialistiskum búskapi, hóast hon oftast verður duld av, at allar vørur og tænastur eru skamtaðar.
Keypsvirðið á lønini fer í hundarnar av inflatión, og fólk mugu tuska til handils, tá tey fáa lønina, tí hon hevur ikki helvtarvirði longu sama kvøld. Best sum tey eru komin til teir tómu handlarnar, sleppa tey ikki inn, tí long kø er uttanfyri.
Eisini starvsfólk hjá almenna vatnverkinum Hidrocapital fáa so lítið lønarvirði, at tey sýta at arbeiði. Tá ið viðlíkahaldsfólk skulka, og venezuelska gjaldoyrað ikki nyttar at keypa innfluttar vørur fyri, fáast ikki eykalutir til útgerð.
Men sosialistiski Maduro varð afturvaldur forseti í Venezuela í summar, tá hann fekk meirilutan av atkvøðunum, segðist, við bert 49% valluttøku, (eisini yvirdrivið), og flestu av andstøðupolitikarum eru í útlegd ella í fongsli.
Maduro hevur svorið at fáa búskapin aftur á beint, men skal tað eydnast, má hann sleppa skeiðini úr vinstru og taka hana upp í høgru hond.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur