Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Springari er ikki føroyskur gerandismatur

Innanlands, Lesarabrøv, Mentan | 12/09-2018 21:04

Hvussu vit bera okkum at mótvegis Sea Shepherd og neiligari útlendskari lobbbyismu annars, tað er ein heilt annar spurningur. Tann herðferðin rínir bara við meg, um hon dokumenterar, at vit gera okkum inn á hóttar djórastovnar, ella at vit ikki hava virðing fyri djóravælferðini. M.a hetta skriva Ingolf í lesarabrævinum niðanfyr. Les alt her.

Springari er ikki føroyskur gerandismatur

Fyrr í vikuni vórðu 200 springarar hildnir til í Hvalvík, og nógv kjak hevur tikið seg upp um hettar.
Eg havi lagt til merkis, at nógv argumentera við, hvørt tað er gomul siðvenja ella ikki at drepa springarar og eta springaratvøst.

Tað haldi eg ikki, at tað er, men tað hevur sum so onki við sakina at gera.

Vit tilskila okkum ikki rætt at drepa grind, tí tað er gomul siðvenja, men tí at grind og spik altíð hevur verið og enn er ein týðandi partur av okkara føðslugrundarlagi, og tí vit tilskila okkum rætt til at gagnnýta alt tilfeingið í okkara havøki, bara tað verður gjørt burðardygt og við atliti til djóravælferðina.

Neyvt sum tá danir eta grís. Teir gera tað ikki fyri at halda gamla siðvenju og matmentan í hevd, men tí teir eru svangir og dáma fleskasteik og medistara.

Við springarum er øðrvísi, haldi eg. Í fyrsta lagi, tí tað tykist ikki, sum nakar reiðiliga veit, hvussu stovnurin er fyri - tann óvissan eigur einsamøll at gera, at vit ikki drepa springarar, fyrr enn vit hava fulla vissu fyri, at stovnurin er væl fyri. Og í øðrum lagi, tí springaratvøst ikki er og ongantíð hevur verið ein týðandi partur av føðslugrundarlagnum hjá føroyingum. Sjálvur eri eg ongantíð í lívinum boðin til borðs at eta springaratvøst og havi ongantíð smakkað tað, so føroyskur gerandiskostur er tað ikki.

Hvussu vit bera okkum at mótvegis Sea Shepherd og neiligari útlendskari lobbbyismu annars, tað er ein heilt annar spurningur. Tann herðferðin rínir bara við meg, um hon dokumenterar, at vit gera okkum inn á hóttar djórastovnar, ella at vit ikki hava virðing fyri djóravælferðini.

Ingolf S. Olsen
Tjóðveldi, framsøgumaður í fiskivinnumálum

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
Páll á Reynatúgvu: Marine Harvest hevur frávalgt at reka flakavirkið í Skopun
BEINT NÙ À R7 radio: COUNTRY TÌMIN
Metis NÙ beinleiðis á R7 nú klokkan 13.00 til 15.00
Vespureiðrið (111) - 17. juni 2019
Stafettin (9) - Joen Magnus Rasmussen spyr Ruth Vang
Tíðindi klokkan 12
Manning á Sjóborg avhoyrd
"Kom á 2069!" (64) - 14. juni 2019
Hav Atlantic hevur spart nógva olju við eini nýggjari skipan
Við Sjóvarmálan (5) - 17. juni 2019
Prát: Virgar Dalsgaard um Merkið og Emil Joensen
Suðuroyar­tunnilin fer at kosta meira enn 3 mia. krónur
Ingolf Sólheim Olsen varð loystur úr løgtings­sessi­num fríggja­dagin
Countrytímin - Sending um Country & Blues festivalin 2019
Gerhard Lognberg: Stórreiða­rin í Klaksvík fór við fiskinum
Pauli Trond Petersen lovar "at tað skal verða heitari um kvøldar­nar í Føroyum"
Prát: Elsebeth Mercedis Gunnleygsdóttur, Jógvan Skorheim og Óluva Klettskarð um politikk í Norð­oyggjum
Moralska kumpassin
Maersk sett nýtt heimsmet við størstu lastini umborð
Metis - Øll sendingin - 18. juni 2019
Prát: Svein Rógvi Ljósstein Nielsen um at rudda plast
R7 kringvarp klokkan 13.00 til 15.00: beinleiðis sending Við Sjóvarmálan
Semir Hadzibulic er aftur bláur
Nýggi minnisvarðin í Svínoy
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi