Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Springaradráp!

Innanlands, Lesarabrøv | 13/09-2018 23:52
Jacob Vestergaard | Mynd: r7.fo

Føroyingar hava í øldir gagnnýtt havsúgdjór, øll tey, sum teir hava havt møguleikan at fáa fatur á. Nú hevur ein rørsla tikið seg upp í Føroyum, sum hevur funnið útav, at nøkur havsúgdjór, serliga springarar, eru fittari enn onnur. So fitt, at tey ikki mugu drepast.

Undarligt at hoyra Kaj Leo Johannesen, Ingolf S Olsen og onnur havast at springaradrápi.

Føroyingar drepa ikki springarar til stuttleika, men fyri at fáa mat á borðið. Sjálvsagt skulu vit til eina og hvørja tíð gagnnýta alt tað tilfeingi, ið vit hava í havinum, eisini havsúgdjór.

Vit hava altíð brúk fyri øllum tí, ið vit kunnu veiða, fugli, fiski og hvali, og harvið fáa ókeypis døgurðamat. Innløga hevur altíð havt og hevur framvegis stóran týdning.

Vit hava greiðar lógarkarmar fyri allari veiðu og eru væl skipað.

Vit veiða ikki orsaka av siðvenjuni. Siðvenjan hevur onki við málið at gera. Tað var ikki fyrrenn vit fingu skjóttgangandi bátar, at møguleiki var at reka og halda springarar til.

Tað rakar ongan útlending, hvørki í New York ella London, at vit drepa springarar í Føroyum.

Vit mugu ikki lata okkum ræða av útlendskum umhvørvisfólkum og blaðgreinum í útlendskum miðlum.

“Rokið” um springaradrápið í Hvalvík er skapt av teimum, sum eru ímóti, at vit drepa hval. Tíverri eru tað fleiri, ið hava latið seg lokkað.

Vit hava dripið springarar í áratíggir, og tað hevur havt líka so lítla ávirkan á okkara umdømi, sum tað, at vit hava dripið grindahval. Útlendingar gera ongan mun á, um vit drepa springarar ella grindahval.

Lat okkum sláa kalt vatn í blóðið, og halda áfram at gagnnýta teir møguleikar, ið vit hava at útvega ókeypis mat til føroyingar.

Soleiðis skrivar Jacob Vestergaard á sínum face-book vanga í kvøld.

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
7 Skip­satstøðarar fingið prógv á Sjónámi
Sjey hava fingið master prógv á Søgu- og Samfelagsdeildini
Samrøða: Líggjas Johannesen um fisk
Vespureiðrið (112) - 24. juni 2019
Anfinn Olsen, reiðari: Aftursvar til Dennis Holm
MYNDARØÐ: Ein ótrúlig røð av flottum og serstøkum bilum
Samrøða: Sigrun Johannesen um handilin Insito
Stafettin (10) - Ruth Vang spyr Kaj Leo Holm Johannesen
Samrøða: Amalia í Frammi­stovu, sum rekur café, ból & biti á Kirkju í Fugloynni
Samrøða: Jógvan Heinesen, ein av eigarunum av Hotel Norð
Samrøða: Gerhard Lognberg m.a. um týdningin av flakavirki­num í Skopun
Útsøgnin hjá Framherja er bæði óseriøs og fjákut
Fyrispurn­ingur um ferðaætlan­ina hjá Smyrli á Jóansøku
Sandoyar­sendingin (5) - 24. juni 2019
"Kom á 2069!" (65) - 21. juni 2019
Ríkir útlendingar kunnu fara avstað við okkara bústøðum
Bók eftir Sólby A. Christiansdóttir á veg á marknaðin
Røðan hjá Øssur Winthereig til veðurlagsverkfallið
Landið rindar 800 milliónir aftur í dag
Pallborðskjak um Føroyar og sekularisering
Ein íðnaðarsøga úr Svínoy
Kirkjan skipaði fyri garðdegi
Samrøða: Hannebeth Garðalíð, ein av eigarunum av fyritøkuni VILJIN á Húsum
Leið meg einaferð enn út á dekkið...
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi