Rák (15) Politikkur: Avleiðingar av at flyta nýyvirtikna familjurættarøkið
Rák setur sjóneykuna á politiskt handverk og hvørjar avleiðingar ein flyting av einum málsøki hevur.
Tosað verður við Sonju Jógvansdóttir, uttanflokkatingkvinnu, og Jóannes Eidesgaard, fyrrverandi løgmaður og partamaður hjá Aksel V. Johannesen, løgmanni, sum er komin við kunngerð um, at nýyvirtikna familjurættarøkið skal flytast frá Heilsu- og Innlendismálaráðnum til Almannamálaráðið.
Vit hoyra m.a. at Sonja Jógvansdóttir, av tilvild kom fram á kunngerðina hjá løgmanni, sum eingin kunning hevur verið frammi um, er púra ósamd við ætlanina, at flyta viðkvæma familjurættarmálsøkið, og staðiliga heitir á løgmann um at taka kunngerðina aftur. Jóannes Eidesgaard tosar m.a. um vald í embætisverkinum.
Tað er Annika Bolton Mortensen, sum er vertur í seindingini. Rák er á R7 mikudagar kl. 13.
Mest lisið í farnu viku
Samband
Heygsvegur 8
490 Strendur