170 moskur eru í Danmark, men eingin kirkja í Saudi Arabia
Danska Den korte avis skrivaði herfyri, (og bert V.P.fo hevur endurgivið), at í Danmark eru nú 170 moskur, harav fleiri eru smáar, sum bønhús til støddar. Tað skrivar Center for Samtidsreligion á Århus Universiteti frá des. Í 2017.
Fleiri moskur prædika hatur, dóm og deyða niður yvir kristin fólk og lond. Tann herviligasta í Danmark er vist Grimhøjmoskan í Aarhus við Oussama El Saadi imami á prædikustólinum, upplýsir Østjyllands Politi.
So argur er hesin hatursfuglur, at hann østi 22 av íalt 27 islamum bert í Århus til at fara til Miðeystur at berjast við ISIS. Nú eru teir komnir aftur eftir blóðbað, og danskir skattgjaldarar rinda fyri sálarliga viðgerð og resosialisering, so teir kunnu blíva búgvandi í Danmark uttan at gera meiri skaða enn higartil.
170 moskur í Danmark í 2018 eru 48% fleiri enn í 2006, tá talið var 115, og talið er vaksið í sama mun sum talið á muslimum í Danmark.
Í 2006 vóru 200.000 danir muslimar. Nú eru fleiri enn 300.000 islamskir stats-borgarar í Danmark, umframt 10-túsundtals, sum bíða eftir at blíva danir. Danskir politikarar eru reinar bløkur sammett við teir eysturevropeisku, heldur Den korte avis, tí at islamar byggja moskur í Danmark, sum teim lystir.
Sama hendir í Fraklandi, Svøríki og Týsklandi, har Saudi Arabia so gallant beyð sær at fíggja og byggja 200 moskur til 1,2 mió islamar, ið brutu inn í Týskland í 2015 fyri síðan at liva av sosialhjálp. (Ikki 1 er sendur heimaftur).
Størst í Týsklandi nú er moskan í Køln, ið rakar langt upp um Kølnerdom.
Øðrvísi meiri mansevni er í eitt nú pólskum politikarum, ið nokta nøkrum islami at seta annan fótin inn um pólskt mark, síðan stóra innrásin byrjaði.
Nakrir fáir muslimar búðu tó í Pólandi, áðrenn hersetingin av Evropa byrjaði. Saudi Arabia beyð sær herfyri at fíggja og byggja eina mosku í Warshawa.
Dominik Tarczynski, polskur stjórnarlimur, greiddi Breitbart News í London frá, at hann hevði svarað myndugleikunum í Rhyiad, at Saudi Arabia fekk loyvi at byggja eina mosku í Warshawa við einari treyt. Hon var, at Póland slapp at byggja ein katedral, eina dómkirkju, í Saudi Arabia.
Hann legði aftrat: “Antin er javnrættur, ella føla islamar seg betri enn vit.”
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur