Í dag fríggjadagin 21. september sær skráin soleiðis út.

Kl. 13.00 - 18.00 Krambúðin – heimavirki og kaffisøla – Johnsa handil
Í íbúðini er hugnalig kaffistova, har høvi er at keypa sær te, kaffi, heimabakaða
køku og toast. Krambúðin hevur nógva dygdargóða heimavirkaða vøru til sølu.

Kl. 17.00 - 18.00 Ljóð- og litríkur súkklutúrur í bygdini
Kom við ein festligan súkklutúr, sum Evelyn og Marjun skipa fyri; byrjað verður á
Torginum. Túrurin er fyri øll, børn sum vaksin. Lat teg í okkurt spraklandi litfagurt, og hav dútthorn ella okkurt annað, sum ber til at festa á súkkluna, sum gevur gott ljóð. So hoyrast og síggjast vit Heitt verður á allar luttakarar um at brúka hjálm.

Kl. 17.00 - 19.00 Leirdúgvuskjóting – úti á Berg
Vestmanna Byrsufelag skipar fyri leirdúgvuskjóting, har ið óroynd eru vælkomin at
royna seg. Aldursmarkið er 12 ár. Kostnaður fyri 10 skot er einans kr. 20. Eisini er
høvi at tekna seg sum lim í felagnum. 

Kl. 17.00 - 18.00 Lata klæðir inn til Lat-og-fá marknaðin – ítróttarhøllin
Tey, ið ynskja at lata klæðir, leikur og barnaútgerð til lat-og-fá marknaðin, sum verður í morgin, kunnu koma í ítróttarhøllina og lata inn rein og heil klæðir til allar aldrar, barnaleikur og barnaútgerð. Einasta treyt er, at klæðini/lutirnir eru rein og heil. Heitt verður á fólk um at skilja klæðini í posar í hesum bólkum: gentur undir
skúlaaldur, gentur í skúlaaldri, kvinnur, dreingir undir skúlaaldur, dreingir í skúlaaldri, menn.

Kl. 18.00 - 20.00 Listaframsýning – í kantinuni í Heilsumiðstøðini
Gyðja H. Didriksen, Martin Joensen, Laila Nikolajsen, Heidi Petersen og Ann-Mari Mouritsen sýna fram egin listaverk.
Flestu listaverkini eru til sølu.

Kl. 18.00 Grótbrúgv verður latin upp
Útstykkingin á Grótbrúgv, sum nú er liðug, verður latin upp og víst fram.

Kl. 20.00 - 23.00 Syngið-við kvøld – á Bryggjuni
Hugnaligt syngið-við kvøld verður á Bryggjuni. Harmonikur spæla undir og forsangarar vera eisini við. Eisini framførir Halleluja-Sofus. Húsið letur upp kl. 19 og tiltakið er ókeypis. Í barrini verður høvi at keypa sær okkurt gott til góman.
Kl. 20.00 Syngið við Kl. 21.00 Halleluja-Sofus framførir Kl. 21.30 Syngið við