Síðan skjøl vóru funnin í 1990 hava tey leita eftir Endeavour í Newport í USA. Seinastu 20 árini hevur Rhode Island Marine Archeology Project staðið fyri hesum. 

Endavor er skipið, sum James Cook sigldi við runt jørðina 1768-1771. Hann kom til Australia 26 januar 1770, sum tann fyrsti útlendingur vit vita um. 

Skipið bleiv seinni brúkt av bretska herinum í USA. Í hesum sambandi avgjørdi bretski herurin at søkkja 13 skip, fyri at forða fronskum herskipum at koma at landi í 1778. Endavor hevur tí ligið á botni saman við 12 øðrum skipum í 240 ár.

Í Australia hava tey bygt eitt kopi av skipinum, tí tey sjálvandi halda skipið verða søguligt.

Rhode Island Marine Archeology Project boðaði fyri 2 døgum síðan frá, at tey halda seg hava funnið skipið. Fyrst høvdu tey funnið 13 ymisk skip. Síðan vóru hesi 13 avmarka til 5 skip og nú siga tey seg verða vís í at tey kunnu siga, at tey hava funnið Endeavour.

USA sigur seg eiga skipið. Men tað verða ivaleyst fleiri meiningar um tað.