Segði Rigmor Dam ov nógv um tíðindaleiðaran?
Sambært landsstýriskvinnuni skal Kringvarpið hava nýggjan tíðindaleiðara. Málið um tíðindaleiðaran er annars ikki avgreitt enn.
Segði Rigmor Dam, landsstýriskvinna ov nógv, tá hon seinasta mikudag svaraði einum munnligum fyrispurningi frá Honnu Jensen, løgtingskvinnu?
Hanna Jensen spurdi um ætlanir eru um at seta eina journalistútbúgving á stovn í Føroyum, og tá Rigmor Dam svaraði segði hon millum annað hesi orðini:
(Trýst á pílin yvir greinini, fyri at hoyra brot úr svarinum).
Rætt er tað, at Kringvarpið skal hava nýggjan stjóra, og lýst hevur verið eftir nýggjum stjóra í eina tíð. Men Liljan Weihe er framvegis formliga í starvinum sum tíðindaleiðari í Kringvarpinum, og tað málið er ikki avgreitt enn.
Liljan Weihe hevur tvær ferðir kært avgerðir um uppsøgn og um at seta hana í annað starv.
Seinasta hendingin í málinum var, at Liljan Weihe fekk eitt nýtt ætlanarskriv um at verða flutt í annað starv, og sum R7 skilir, hevur hon ikki tikið endaliga støðu til tað skrivið enn. Tekur hon av møguleikanum at fáa nýtt starv, so er málið avgreitt, men tekur hon ikki av, kann tað enda sum ein nýggj kæra til Mentamálaráðið, og har hevur landsstýriskvinnan longu boðað løgtinginum frá, at Kringvarpið skal hava nýggjan tíðindaleiðara.
Mest lisið í farnu viku
Samband
Heygsvegur 8
490 Strendur