Sonja J. Jógvansdóttir harmast um Stefan Löfven - hetta er ólukksáliga spell
Søgan um persónin Löfven er áhugaverd, uppvaksin partvís á barnaheimi, síðani í fosturfamilju. Löfven megnaði at bróta sosiala arvin, og hevur djúpar røtur í fakfelagsrørsluni. M.a skrivar Sonja á sínum facebook vanga fyri løtu síani. Les alt her
So var Löfven feldur sum forsætismálaráðharri í Svøríki - hetta er ólukksáliga spell. Søgan um persónin Löfven er áhugaverd, uppvaksin partvís á barnaheimi, síðani í fosturfamilju. Löfven megnaði at bróta sosiala arvin, og hevur djúpar røtur í fakfelagsrørsluni.
Löfven hevur læru sum sveisari, og fór uppí felagsvirksemi og gjørdist seinni leiðari fyri metallarbeiðararnar. Undir valstríðnum hesaferð sást ikki sama yvirskot hjá Löfven - hetta sást einabest í seinasta floksleiðarakjakinum í SVT undan valinum, har hann mest av øllum útstrálaði máttloysi og møði.
Eg hefti meg við, at tá ið valúrslitið var kunngjørt, at Löfven tók orðini hjá fakfelagskempuni Joe Hill til sín, og segði við áhoyrarafjøldina - "Sørg ikke, organiser"! Hetta er júst kjarnin í tí. Joe Hill, sum upprunaliga var úr Svøríki, men flutti til USA, var av órøttum deyðadømdur fyri at hava myrt ein keypmann.
Hill var illa lýddur av yvirvøldini, tí hann arbeiddi fyri betri korum fyri arbeiðaran. Í einum av seinastu telegrammunum hann sendi úr fongslinum, áðrenn hann var myrdur stóð. "Goodbye, Bill, I die like a true blue rebel. Don't waste any time mourning. Organize!" Vænti og vóni, at reyðgrøna rørslan kemur sterkt aftur í Svøríki - ímeðan ber til at finna sær íblástur í nøkrum av tekstunum hjá Joe Hill!
Mest lisið í farnu viku
Samband
Heygsvegur 8
490 Strendur