Tað verður turrari seinnapartin
Veðrið frá DMI
Veðurlagið:
Eitt brúgvalag við regni yvir Føroyum hvørvur seinnapartin, og vit fáa kalt luftrák vestaneftir við einstøkum ælum. Fríggjadagin fer eitt lágtrýst norðurum Ísland og tilhoyrandi brúgvaløg geva onkrar løtur nakað av regni um okkara leiðir.
Veðurvánirnar:
Frískur vindur til hvassan vind av suðri og útsynningi, 10 til 15 m/s, sum seinnapartin snarar í vestan. Tað verur skýggjað og regn, men seinnapartin klárnar nakað, tó verður okkurt æli. Hitin fer at liggja um 10 stig. Í nátt minkar vindurin til andøvsgul til strúk í vindi av vestri, 8 til 13 m/s. Tað verður skýggjað og onkrastaðni nakað av regni ella ælaeður. Hitin í nátt fer atliggja millum 7 og 10 stig.
Veðrið í morgin:
Andøvsgul til strúk í vindi av vestri, 8 til 13 m/s, sum út á dagin minkar til gul til frískan vind, 5 til 10 m/s. Seint um kvøldið snarar ættin í útnyrðing. Tað verður møguleiki sólglottum og einstøkum ælum. Hitin fer at liggja um 10 stig. Um náttina verður skýggjað og eitt skifti samregn. Hitin fer tá at liggja millum 7 og 9 stig.
Veðrið hósdagin:
Andøvsgul til strúk í vindi av vestri og útnyrðingi, 8 til 13 m/s, sum út á fríggjanáttina minkar til gul til frískan vind, 5 til 10 m/s. Tað verður skiftandi skýloft og einstøk æl. Móti náttini verður turt, men sum frá líður tó meira skýggjað. Hitin fer alt samdøgrið at liggja millum 6 og 9 stig.
Mest lisið í farnu viku
Samband
Heygsvegur 8
490 Strendur