Åkesson heldur lítið um “Alliansen”

Jimmie Åkesson, formaður í svenska flokkinum Sverigedemokraterna, heldur ikki at sokallaða “Alliansen” millum teir borgarligu flokkarnar er nøkur verulig mótvekt til sosialdemokratisku stjórna í Svøríki. Tað sigur sjónvarpsrásin SVT.

“Alliansen er nóg illa til longur,” sigur hann við sjónvarpsrásina.

Åkesson heldur kortini, at formaðurin fyri Moderaterna, Ulf Kristersson, verður komandi forsætisráðharrin í Svøríki.

Roknar við nýggjum fundi við Kim

Amerikanski forsetin, Donald Trump, boðar frá, at stór framstig eru hend í arbeiðinum við at mýkja støðuna mótvegis Norður Korea, og hann sigur seg rokna við at skula hitta Kim Jong-un aftur um heilt stutta tíð.

“Sum tit vita, skrivaði Kim Jong-un eitt bræv - eitt vakurt bræv - har hann bað um ein nýggjan fund, og tað skulu vit hava,” segði Trump við fjølmiðlar, tá hann var á ST-aðalfundinum í New York mánadagin. (NTB)

Oljuprísurin er tann hægsti síðani 2014

Mánadagin hækkaði prísurin á Norðsjóvarolju við meira enn trimum prosentum, og er nú omanfyri 81 dollarar fyri tunnuna.

Mánamorgunin var prísurin 80,94 dollarar fyri tunnuna, men prísurin hækkaði allan dagin og mánakvøldið var hann komin uppá 81,36 dollarar fyri tunnuna. Hetta er hægsti oljuprísurin síðani november 2014 (NTB).

Rosenstein leggur frá sær

Amerikanski varaløgmálaráðharrin, Rod Rosenstein, leggur frá sær. Tað skrivar netmiðilin Axios. Sambært miðlinum hevur Rosenstein boða John Kelly, starvsfólkaleiðara hjá Donald Trump, munnliga frá, at hann leggur frá sær. Orsøkin sigst vera, at hann roknar við at fáa fótin, eftir greinina í New York Times, har tað verður sagt, at hann hevur ynski um at fáa Trump úr forsetasessinum.

Yvirlivdi í 49 dagar á einum flaka

Ein 18-ára gamal indonesiskur drongur hevur yvirlivað í 7 vikur,meðan hann hevur rikið á einum flaka í Stillahavinum. Flakin sleit seg leysan í óveðri og rak 250 fjórðingar, sigur familjan hjá dreinginum. Óhappið hendi mitt í juli, tá drongurin var einsamallur til arbeiðis á fiskiflakanum (NTB).