1.725 fingið tak yvir høvdið í trý ár
- Í Tórshavnar kommunu hevur talið á nýggjum búeindum seinastu trý árini verið størri enn fólkavøksturin. Sambært hagtølum hevur Tórshavnar kommuna bara seinastu trý árini givið byggiloyvi til tilsamans 640 búeindir, sethús og íbúðir. Hetta svarar til 213 búeindir um árið í meðal, sigur Annika Olsen, borgarstjóri.
- Meðal fólkatal pr. húsarhald í Havnini er 2,7. Hetta svarar sostatt til 575 fólk um árið, ella at tilsamans 1.725 fólk hava fingið tak yvir høvdið seinastu trý árini.
- Av hesum 1.725 eru umleið 1.000 tilflytarar og nógv teirra eru børn. Vit fegnast sjálvandi um fólkavøksturin, vaksandi virkishugin og størri inntøkur til kommununa.
- Men fólkavøksturin setir sera stór krøv til kommununa. Kommunan hevur longu útvegað uml. 100 nýggj dagstovnapláss, og tørvur er á minst 145 fleiri komandi ár. Heldur gongdin fram, verður skjótt neyðugt at byggja skúlaøkið út eisini.
- Talið á pensjónistum er eisini skjótt vaksandi. Kommunan fyrireikar í løtuni tríggjar verkætlanir til tess at nøkta tørvin á røktarbúplássum og umlætting. Fólkaframskriving vísir, at tá fyrsta røktarheimið til áleið 60 fólk er liðugt bygt, vónandi um trý ár, verður neyðugt at byggja tað næsta. Eitt røktarheim av hesi stødd kostar uml. 3/4 skattaprosent í rakstri.
- Enn eru vit ikki komin á mál, og mong eru tey, sum vanta tak yvir høvdið. Tí eru fleiri útstykkingar farnar í gongd og aðrar eru ávegis. Í næstum fer kommunan undir stóra byggiverkætlan undir Kongavarða, har talan er um at byggja leigubústaðir. Henda bygging fer at leggja lunnar undir eina fjølbroytta bústaðarbygging í kommununi, sigur Annika Olsen, borgarstjóri.
Íbúðarbyggingin Undir Kongavarða kemur fyri á býráðsfundi nú hóskvøldið.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur