Annar hvør neyðtøkumaður í Svøríki er føddur uttanlands
Rúsevni, rúsdrekka og føðistaður uttan fyri Svøríki ganga aftur í rættarvið-gerðum og feldum dómum av svenskum neyðtøkumonnum, skrivar Ritzau.
58% av øllum neyðtøkum, ið eru komin fyri rættin í Svøríki farnu 5 árini eru framdar av persónum, sum ikki eru sviar av uppruna, vísir ein kortlegging av brotshagtølum hjá SV-støðini, SVT.
Tað er programmið Uppdrag Granskning, ið hevur kannað gjølla tey 843 rættarmálini um neyðtøkur, sum eru uppklárað rættarliga síðan 2013.
Umframt at meirilutin av gerningsmonnunum eru føddir uttan fyri Svøríki, so hevur SVT eisini funnið aðrar felagsnevnarar við teimum dømdu.
Fleiri teirra vóru ávirkaðir av rúsevnum og –drekka. Teir hava lítla útbúgving, og fleiri enn 3. hvør hevur verið dømdur fyri brotsverk fyrr.
Henda niðurstøðan varð løgd fram alment stutt fyri svenska ríkisdagsvalið.
Í eini sjálvstøðugari grein um evnið hevur SVT greitt frá, hví SV-støðin valdi at leggja hetta málið fram alment:
“Almenna kjakið um neyðtøkur og etniska upprunan hjá illgerðarmonnunum hevur verið dult av myndugleikum, løgreglu og fjølmiðlum higartil, og tí hevur almenningurin havt fá hagtøl og ítøkiligar upplýsingar at taka støðu eftir.”
Mest lisið í farnu viku
Samband
Heygsvegur 8
490 Strendur