Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing
? / ??

Rumenski ungdómurin rýmir úr landinum

Andøvsløtan | 07/10-2018 18:30

Stóra landið norðaliga á Balkan hevur fingið ta stóru avbjóðing, ið eyðkennir lond í menning í hesi globalu tíð uttan landamørk, at ungdómurin flytir til vælferðarlond við betri møguleikum. Borgarar í Schengen kunnu gera hetta.

Tað tykist fyri okkum tilkomnu so stutt síðan, at rumenska fólkið um jóltíðir 1989 reisti seg sum eitt grunnbrot upp ímóti kommunistiska einaræðinum og skolaði harðskapin út á søgunar gloymskuhav. Mong ung kenna ikki søguna.

Uppreistrarfólkið brúktu sama miskunn- og rættarloysi til at døma og gera av við hjúnini Nicolai og Elenu Ceausescu, ið hesi høvdu brúkt til at kúga og beina fyri túsundum. Sum í flestu marxistiskum londum við sosialistiskum planbúskapi var eingin moralur eftir til at tálma harðskapin og korruptiónina.

Avísin Adevarul í Bukarest skrivaði herfyri um trupulleikan, ið Rumenia hevur við at halda sínum ungdómi heima til at byggja landsins framtíð. (Sami vandi, ið hóttir Føroyar o.o. smá ella ábær útjaðaralond í búskaparligum mótburði).

Rumenia er ES-land, hevur egið gjaldoyra til at føra egnan búskaparpolitikk. Júst ES-limaskapur ger, at mørkini eru opin, so 1000-tals rumenar, tíverri eisini “roma” (sigoynarar), tysja inn í Evropa og økja kriminalitetin í stórum.

Rumenia er 230.000 km2 (næstan sum Bretland) við 20 mió íbúgvum. Veturin er kaldur og summarið heitt (meginlandsveður). Miðal ársinntøka pr íbúgva er lág eftir evropiskum máti, bert $13.000 (= 1/3 av tí føroyska).

Landið hevur tikið seg nógv fram síðan sosialismuna. Búskaparvøksturin hevur ligið yvir 5%. Men fólkaræðið er veikt og sosialir munir stórir, tí tað tekur tíð hjá fyrr kommunistiskum landi at innføra demokrati og marknarbúðskap.

ES-hagtøl vísa, at 20% av landsins íbúgvum 20-64 ár (2,3 mió) eru rýmd til ES, væl meiri enn lond sum Litava, Portugal og Kroatia hava mist (14-15%).

Adevarul kallar hetta eina vanlukkustøðu. Tey fyrstu, ið fluttu vesturum eftir sosialismuna at finna fyrifallandi arbeiði, vóru ófaklærd og vendu heimaftur. Men tey ungu, ið flyta úr Rumenia í dag, eru faklærd og útbúgvin.

Avísin førir fram, at landsins politikarar lata bert standa til. Advarul endar støðulýsingina við at vóna, at tey ungu, væl lærdu eru somikið góð við sítt gamla móðurland, at tey senda pening heimaftur til familjuna, ið eldist.

 


Meiningar og hugleiðingar ið verða bornar fram í sendingum á R7, umboða ikki meiningar, áskoðanir ella sjónarmið hjá leiðsluni í R7 Kringvarp.

Lýsing
Mest lisið í farnu viku
Páll á Reynatúgvu: Marine Harvest hevur frávalgt at reka flakavirkið í Skopun
BEINT NÙ À R7 radio: COUNTRY TÌMIN
Vespureiðrið (111) - 17. juni 2019
Metis NÙ beinleiðis á R7 nú klokkan 13.00 til 15.00
Stafettin (9) - Joen Magnus Rasmussen spyr Ruth Vang
Tíðindi klokkan 12
Manning á Sjóborg avhoyrd
Við Sjóvarmálan (5) - 17. juni 2019
"Kom á 2069!" (64) - 14. juni 2019
Hav Atlantic hevur spart nógva olju við eini nýggjari skipan
Prát: Virgar Dalsgaard um Merkið og Emil Joensen
Ingolf Sólheim Olsen varð loystur úr løgtings­sessi­num fríggja­dagin
Suðuroyar­tunnilin fer at kosta meira enn 3 mia. krónur
Countrytímin - Sending um Country & Blues festivalin 2019
Gerhard Lognberg: Stórreiða­rin í Klaksvík fór við fiskinum
Pauli Trond Petersen lovar "at tað skal verða heitari um kvøldar­nar í Føroyum"
Prát: Elsebeth Mercedis Gunnleygsdóttur, Jógvan Skorheim og Óluva Klettskarð um politikk í Norð­oyggjum
Moralska kumpassin
Maersk sett nýtt heimsmet við størstu lastini umborð
Metis - Øll sendingin - 18. juni 2019
Prát: Svein Rógvi Ljósstein Nielsen um at rudda plast
R7 kringvarp klokkan 13.00 til 15.00: beinleiðis sending Við Sjóvarmálan
Semir Hadzibulic er aftur bláur
Prát við Jógvan Gregersen, stjóra á Vaðhorn Seafood.
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi