Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Eingin fer væl av, at annar fer illa

Innanlands, Lesarabrøv | 09/10-2018 21:40

Tað var ikki uttan svørðslag, at vit fingu húsini á Eirargarði 14 og 16. Fólk vóru fyri og ímóti, at bygt varð á sjúkrahúsøkinum. Málið endaði í Løgtinginum. Burtur úr tí kom fyrst ein løgtingsamtykt og so aftur ein nøkur ár seinni. Báðar ásannaðu, at varð ikki bygt á Eirargarði, bleiv einki bygt tá. Men samtykt varð eisini, at tað, sum bleiv bygt í framtíðini, skuldi byggjast í smærri eindum runt um í landinum. Og soleiðis er tað gjørt.

Vit, sum eiga okkara á Eirargarði, leggja ikki fót fyri at nýtt verður bygt í Suðurstreymi, tað er harðliga tiltrongt. Men eingin fer væl av, at annar fer illa. Okkara gomlu á Eirargarði 16 eru ikki øðrvísi enn onnur gomul fólk. Tey vilja vera heima sum longst. Og vit, sum avvarðandi, mugu siga tað fyri tey, tí tey eiga eingi orð, duga ikki at tala fyri seg í orðum. Men eyguni tala og ótti kemur á summi, tí tey skilja ikki, hvat hendir. Nú biðja vit bara um, at bøtt verður um gamla heim teirra, so húsfólk og starvsfólk fáa frægari umstøður.

Nú eru vit aftur í 70ára stríðnum. Hesaferð er niðurstøðan hjá teim ráðandi at byggja nýtt. Men fyrst skal byggjast eitt harðliga tiltrongt barnaheim og so sambýli í Hoyvík, áðrenn nakað verður bygt til tey, sum í dag búgva á Eirargarði 16. Hetta liggur so langt frammi í tíðini, at fleiri av teimum og vit avvarðandi neyvan uppliva tað. Tí er tað okkara bøn bara tað, at bøta um hjá teimum, sum hava uppiborið, at tey og teirra starvsfólk fáa betri umstøður.

Tað er soleiðis, at fleiri nýggj fólk eru flutt inn í seinastuni,og vit eru kunnað um, at fleiri koma aftrat. Hetta átti ikki at latið seg gjørt, fyrr enn neyðugar ábøtur vórðu gjørdar, so at tað gerst meira liviligt og arbeiðsligt í húsunum. Komu ikki ung fólk inn at búgva, var natúrligt fráfall, sum tað eisini er, tey gomlu sluppu at vera heima sum longst og húsini tómdust so líðandi. Tey ungu í dag krevja aðrar umstøður enn tær eru á Eirargarði 16 í dag.

Helena og Hanus Samuelsen, avvarðandi

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Eg vil biðja um treytaleysa umbering
Tey lærdu okkum at elska Frelsaran.
Rættvísgjørdur av trúgv 
Hugnaløtan (52) - Gestur: John William Joensen
Húsarannsókn hjá fleiri laksafyritøkum
Prát við Jógvan Poulsen og Tóra Højgaard um politisku støðuna í USA
Er tað ein fyrimunur at kenna tey røttu í Býráðnum?
Páll á Reynatúgvu umhugsar uppskot
R7 Premier League (37) - 18. feb 2019
Svenskt met í stórum afturparti
MYNDARØÐ: Stórur skaði við vøllin við Stórá
Myndarøð: stormur í Vági
At lúgva um sína trúgv eitur Taqiyyah og er loyvt einum muslimi
"Kom á 2069!" (49) - 15. feb 2019
Prát við Hera Mortensen
Prát við Jákup Vestergaard og Bjørt Samuelsen
Jóhann Lützen: Tjóðveldi ger einki við loysingina
Eg veit ikki, um eg fái takkað øllum nóg mikið
Frans pávi játtar, at Pávakirkjan brúkar nonnur sum sex-trælir
Samrøða við Danjal av Rana
Annika Olsen stillar upp
Føroysk genta skal vera maskottur á Anfield týskvøldið
Tíðindi klokkan 12
Lars Løkke Rasmussen sendir heilsan til KOKS og Poul Andrias
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi