Colombia á nýggjari kós
Eftir forsetavalið í summar er Colombia á nýggjari politiskari kós. Vinnarin var høgravendi Ivan Duque, ið er nýggjur í politikki og eftirmaður hin konservativa Alvaro Uribe, ið hevur verið forseti í suðuramerikanska landinum í nógv ár.
Hin bert 42 ára gamli konservativi Ivan Duque fekk 54% av atkvøðunum, og hin altjóða fagnaði taparin, vinstrahalli (sjálvsagt) Gustavo Petro fekk 42%.
Hetta er hitt fyrsta forsetavalið í Colombia síðan nógv umrøddu vápnahvíldina millum stjórnina hjá Petro og FARC, blóðdálkaða kommunistiska terrorherin.
FARC hevur 230.000 mannalív á samvitskuni (bert ein máliska, tí marxistar hava jú onga samvitsku) og tey 5 mió fólkini, ið eru flýdd heiman síðan 1960.
FARC hevði ikki gjørt friðaravtaluna, um ikki hesin narkotikafíggjaði sosialitiski terrorbandi hevði tapt borgarakríggið eftir 50 ár í frumskógum og slummum.
Tað áhugaverda við FARC er, at harkaliðið hevur smbr avtaluni fingið loyvi frá stjórnini til at rísa uppaftur úr øskuni og fara upp í politikk undir sama navni.
Vinstrahalli Gustavo Petro fekk straks friðarløn Nobels fyri at loyva FARC inn í politiska stovuhitan og inn á tey bonaðu gólvini í Bogota. “Bert lúsin sosialistisk er, so søtan sviða hon ger” kundi ein umskriva føroyska orðafellið.
Ná, men kolumbiska fólkið var so misnøgt við friðaravtaluna, at tey í eini fólkaatkvøðu vrakaðu hana. Hon bleiv bert umskrivað nakað og sett í verk.
Konservativi flokkurin vann tjóðartingsvalið í vár. Tað fantastiska við tí valinum var, at tað hamskifta FARC fekk bert 0,27% av atkvøðunum. So hataður hevur hesin nú uppafturrisni sosialisti terrorbandi verið og er.
Men hann fekk tó 5 limir valdar í tjóðartingið við 0,27% av atkvøðunum, bert í kraft av teimum alt ov góðu treytum, friðaravtalan tryggjaði honum.
Nú hevur kolombiska fólkið talað aftur og valt hin bert 42 ára gamla høgra-venda Ivan Duque, ið lovar sum forseti at strika friðarsáttmálan við við FARC.
So frættist, um teir vinstrahallu drápsmenninir í FARC kunnu halda sínar blóð-dálkaðu fingrar frá stillipinnunum á teirra kubansku og norðkoreansk vápnum.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur