Islamar vildu hava australska rossaranch, og ánarin er tjóðarhetja
Ein australskur rossaalari lýsti herfyri sín familjugarð, eina rossaalistøð, til sølu fyri $ 1,8. Hann frætti frá einum fastognarseljara, at nakrir menn buðu $200.000 meiri fyri teir 25.000 fermetrarnar av jørð við rossa- og sethúsum.
John O’Leary er rossamaður í 5. ættarliði. Pápi hansara var ríðingarmaður við lívi og sál og var persónlig verja hjá australska herovastanum í 2. heimskríggi. Stolt fólkaslag og fosturlandsvinir burturav ætt eftir ætt.
O’Leary fekk snevil av og síðan vissu fyri, at teir múgvandi keypararnir eru australskir muslimar. Einir 400.000 islamar búgva har, skrivaði Jews News.
Rossafarmarin fregnaðis, hvat keypararnir høvdu í kvittan at brúka garðin til, og fekk at vita, at teir ætlaðu at byggja eitt muslimskt bygdarhús til 1.000 fólk.
Hví ikki eina mosku, spurdi hann? Jú, ein moska hevði vakt meiri ans, svaraði húsameklarin, ið umboðaði teir spentu muslimsku keypararnar. Tó váttaði meklarin, at hetta “muslim community centre” fór at hava fleiri “biðirúm”.
Tá fór O’Leary í baklás. Hann hevði hjarta fyri familjuarvinum og ynskti, at garðurin helt fram sum rossaalistøð, hóast tey áttu ikki arving til farmin.
“Eg eri høgravendur av írskari, katólskari rót,” segði O’Leary, tá tað frættist, at hann hevði vrakað eitt keypstilboð, ið var $200.000 hægri enn søluprísurin.
So fór vinstrahalla skríggikórið upp at garta. Avísir, sosialir miðlar, enntá australskt sjónvarp á rokinum, tí hesin politiskt ókorrekti “Crocodile Dundee” tosaði um at “halda Australia australsk” og ikki eitt “islamskt kalifat við Sharia lóg, sum frá líður, nú fleiri og fleiri muslimar seyra inn í landið.”
“Hesir islamar herseta øll lond, teir flýggja til heimanífrá. Teir yvirtaka og kriminalisera býarpart fyri býarpart, sum teir ikki loyva innføddum australiarum at búgva í,” segði O’Leary smbr tíðindamiðilin Meanwhile in OZ.
O’Leary vísir á, at í Sharia londum sum Pakistan noyðast minnilutar, serliga kristin, at gjalda serskatt, “jizia” fyri at búgva har uttan rættindi, heldur ikki privatan ognarrætt, men missa alt, bert um tey koma undir onkran illgruna.
Søgan um John O’Leary er farin út um heim. Hann er tjóðarhetja í Australia.
Mest lisið í farnu viku
Samband
Heygsvegur 8
490 Strendur