Lagnuval til amerikansku Kongressina 6. november
Hóast Donald Trump ikki er ideologiskt konservativur, hevur hann gjørt stór brøgd til at tvífalda vøksturin í amerikanska búskapinum upp í 4,5% p.a. eftir 8 ár við sosialistiska Hussein Obama , tá búskapurin bert vaks 1,8% í miðal.
Arbeiðsloysið í USA er minkað niður í hitt minsta nakrantíð, eisini millum kvinnur, og minnilutar. Undir Obama minkaði luttakan á arbeiðsmarknaðinum.
Fyri hesi stórverk hava borgarligir og frílyntir búskaparfrøðingar róst Trump og eru nú í 12. tíma farnir at streingja á hann at gera tiltøk til at bjarga republik-anska flokkinum á miðvalinum, tá 1/3 av kongresslimunum standa fyri vali.
Allir konservativir ráðgevar og viðmerkjarar leggja doyin á, at Brett Kavanagh, ið Trump hevur innstillað til nýggjan hægstarættardómara, verður góðkendur av Senatinum. Tað er lívsneyðugt, nú republikanski flokkurin hevur meiriluta. Uttan konservativan meiriluta í hægstarætti glíður USA bert longur til vinstru.
John Stossel búskaparfrøðingur biður Trump tryggja, at skattalættarnir, hann og republikanar settu í gildi, verða lógarfestir og gjørdir varandi. Annars hevur ameriknsk lóggáva tvið sær, at skattalættar fara úr gildi eftir 10 árum.
Búskapfrøð. Stephen Moore øtast yvir, at Kongressin, demokratar sum Republikanar, hava blakað eitt fíggjarlógaruppskot til forsetan, ið økir hallið og statsskuldina sum higartil uttan ein cent av teim neyðugu $23 mia til at byggja múrin móti Mexico og fjøldum av landastrokum úr 3-heimi til USA.
Moore vísir á, at meirilutin av veljarum krevja, at Trump heldur sítt vallyfti at verja markið, so USA ikki fer í upploysn. Democrats ynskja so nógv rekavætti úr heimsins “shitholes” til USA sum tilber fyri at fáa teirra atkvøður.
Dems vilja avtaka toll- og marknarløgregluna ICE, og droyma um ein heim uttan mørk. Moore biður Trump brúka veto móti fíggjarlógini og byggja múrin.
M. a. Cliff Nichols heitir á Trump um at skifta Jeff Session ráðharra út við ein nógv harðari háls, so teir kunnu rudda løgmálaráðið út fyri vinstrahallar moldvørpur, at steðga 2 ára longu kanningini hjá Muller ímóti Trump, og at byrja rættarsókn móti tí kriminellu Hillary, ið hevur gjørt landasvik við at beina fyri 33.000 e-mailum, og hennara skutilsveinum, ið síðan forsetavalið hava ligið Trump eftir politiska lívinum, tí tey vilja ikki góðkenna eitt demokratisk val.
Mest lisið í farnu viku
Samband
Heygsvegur 8
490 Strendur