París-avtalan um veðurlag aftur fingið skot fyri bógvin
Seinast frættu vit, at USA er tað einasta av ídnaðar- og menningarlondunum í heiminum, ið hevur hildið setningin at minka sítt CO2 útlát í fjør, tá Trump tók USA úr París-avtaluni um lægri útlát. Hetta er 9. árið, at USA klárar at lækka útlátið síðan ár 2000, smb Forbes, BP Stats Review o.a. altjóða miðlar.
Ein orsøk til fallið í fjør var, at USA ger meiri el-orku við skifergassi enn koli.
Ætlanin hjá ídnaðarlondunum, og serliga Kina og India, var, at USA skuldi bera tyngstu fíggjarbyrðina av CO2-avtaluni av øllum londum, $100 mia p.a.
Filipsoyggjar hevur umframt USA sagt upp París-avtaluna um minni útlát.
BRIC-londini, Kina, India og Brazil hava nú tveitt gekkaskortin og sett fulla ferð á teirra el-orkugerð við kolvetni. Tey hava 50% av íbúgvunum í 3-heimi.
Fremsta forsetavalevni í Brazil, Jair Bolsonario, fer at uppsiga París-avtaluna, um hann vinnur valið. Hann sigur Brazil ikki hava ráð til at skifta frá koli til olju.
Av 28 ES-londum kláraðu bert 5 at náa helvtarmálið til minni útlát í fjør.
Báði Kina og India halda á at økja kolnýtsluna til el-orku. Kina vhevur økt sína 22% frá 2011-15. Rusland breyt 168 mió TOE í 2016 og 206 mió í fjør.
Alt heimsfevnandi sirkusið við kolvetni byggir á teldumyndlar hjá økofasistum til at minka CO2 útlátið í 2100 fyri at avmarka loftupphitingina til undir 2 stig C hægri enn áðrenn ídnarkollveltingina (ca. 1900). Tá livdu 2 mia fólk í verðini!
Vísindafólk og granskarar, ið brúka vanligt vit og skil, siga, at framskrivingin av CO2 útláti hjá veðurlagsvargum er 2-3 ferðir hægri enn veruleikin.
Tey, ið vísa aftur økofasismu, taka undir við, at heimsins fátæku lond sleppa at brúka kol, olju og gass sum orkukeldu til el, flutning og ídnarframleiðslu.
Um heimsins framkomnu lond stuðla og ikki forða teim tilafturskomnu at brúka kolvetni til at blíva ríkari (júst sum Vesturlendingar kunnu takka kolvetni fyri framburð og vælferð), so fingu allir heimsins íbúgvar betri og hægri livistøði.
Hægri livistøði hjá teim 5 mia fólkunum í menningarlondum hevur nógv størri týdning enn lufthitingin, ið byggir á girndina hjá vísindafólkum, byrokratum og politikarum, ið vilja vald yvir øllum við at stýra orkuframleiðslu heimsins.
Mest lisið í farnu viku
Samband
Heygsvegur 8
490 Strendur