Nú skal súkkling í London gerast meiri demokratisk, tí hon ger mismun á monnum og kvinnum, sigur Will Norman, kommisionerur fyri súkkling.

Sadiq Khan, borgarstjóri í London, hevur álagt sínum fulltrúa í súkklumálum, Will Norman, at gera henda fólkaflutning á 2 hjólum lættari og tryggari í tí tungu ferðsluni í bretska høvuðstaðnum.

Sadiq Khan krevur, at býurin setir nøkur “margfeldismál” fyri tey súkklandi, og at endi fæst á tí “kynsklovningi”, ið nú eyðkennir henda flutning í London.

Tað, ið sosialistiski islamurin, Sadiq Khan, fílist á og vil broyta, er, at ov nógvir hvítir tilkomnir menn úr miðalstættini eru millum tey, ið súkkla til og frá arbeiði.

Yvir 55% av londonbúgvum eru fødd uttan fyri Bretland. Útlendingarnir eru nú meirilutin, meðan innføddir bretar eru minniluti í egnum høvuðstaði.

Tað eru vanligir bretskir, hvítir menn um miðal aldur við miðal inntøku, ið hava eftirlíkað ynski býráðsins og valt at koma skjótari millum heim og arbeiðspláss á traðkisúkklu, tí bilar og bussar osa og fylla meiri í ferðsluni.

Tíðin er nú komin, tá Sadiq Khan í sínum vísdómi vil halda hvítar menn um miðal aldur við miðal inntøku frá súkklubreytunum, so at eitt nú kvinnur, brún, svørt, gul, hindu, buddistar, islamar fylla og síggjast meiri á 2 hjólum

Hvussu sleppa hvítir, hinskyndir, tilkomnir menn, ið hava fast arbeiði og við góðum handligum og andligum førleika, útbúgving o.t., ið passa sítt og gjalda mesta skattin, undan at verða forfylgdir av PC politikarum?

Hesir bleiku, eldru, miðalstættar bretar í London hava gjørt, sum býarstjórnin hevur biðið teir, at súkkla fyri at minka ferðslutrongsulin í býnum. Teir verða nú aftur skuldsettir fyri at gera mannamun, tí at so fá onnur tíma at súkkla?

Kanska ætlar London-kommisarurin í súkkling hjá muslimska borgarstjóran-um úr Pakistan í næstu harraboðum at kalla súkklistarnar í London “rasistar”.

Um ikki-rasistarnir í býnum ikki fara upp á sínar súkklur, so noyðast teir hvítu og alt hitt politiskt ókorrekta væl at lata súkkluna standa og ístaðin aftur at seta seg í bilin ella bussin og koyra til arbeiðis á 4 hjólum við osandi motori.