KvF endurtók (so tað sat fast) eini tíðindi um ein hvítan løgreglumann í Texas, ið var dømdur fyri ógrundað at hava skotið ein svartan drong (15 ár).

Tað er altíð harmuligt, at fólk doyggja óneyðugt, serliga fyri mannahond.

Endurtøkan í KvF bendir á, at ætlanin var at minna á, at USA er rasistiskt. Tað er partur av tí aldri fyrr sæddu hunddálkingini á ein sitandi forseta.

Lesa vit hagtøl hjá US Bureau of Stats, FBI og Manhattan Institute, verða 7-8.000 svørt skotin í hel (90% av øðrum svørtum) árliga í USA. Hetta er dupult so stórt árligt svart mannfall sum tey 90 árini tilsaman, tá KKK kúgaði svørt.

Í Chicago (strangastu skotvápnareglur í USA) doyggja 7-800 svørt árliga í bandakríggjum. Tey svørtu, sum útinna drápini, eru 5% 14-16 ár, 46% 17 til 25 ár og 27% 26-35 ár. Í hesum javnaðarstýrda býnum eru 75% av øllum skotmyrdum svørt og 71% av øllum dreparum svartir. Eingin rasisma neyðug.

Larry Elder, útbúgvin samfelags- og løgfrøðingur, rithøvundur, ÚF- og SV-vertur og ein hin best kendi svarti greinarin í USA. Elder leggur ikki fingrarnar ímillum, tá hann lýsir orsøkir til syndarligu støðuna hjá svørtum í USA.

Elder sigur, at USA er minst rasistiska land, hann hevur vitjað og granskað. Hin vegin gera svørt, ið telja 13% av øllum amerikanarum, heili 62% av øllum ránum, 45% av álopum og eru 57% av øllum, ið verða dømd fyri morð.

Av teimum íalt 7.881 skotmyrdu svørtu í 2016 (teir flestu eru vápnaðir), skutu løgreglumenn (s/h) bert 233 (=3%). Ein kanning hjá Heather MacDougall, PhD á Manhhattan Instit, vísir, at ein hvítur politistur er statistiskt 18,5 ferðir í størri vanda fyri at verða skotin av einum vápnaðum svørtum enn øvugt.

Black Lives Matter eru “stormtroppar” hjá Democrats. Democrats áttu alt KKK, sum tað var, 4,3 mió limir í 1920. Nú eru tíbetur bert 4.600 eftir. Terror-felagskapurin, BLM, hevur herjað gøturnar, brent og rænt handlar í 5 ár.

Eftir at fleiri løgregluøki hava útgjørt sínar politistar við kropsmyndatólum, eru álop á løgreglumenn nógv minkað. Í býunum Rialto í California eru álopini á løgregluna minkað 90%. Tað bendir á, at tá um ræður samanbrestir millum svartar vápnaðar bandar og løgreglumenn við “bodycams”, aftra teir flestu svørtu við skotvápnum seg at leypa á løgregluna, tí teir ræðast rættarsókn.