Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Kirkjan má vera oftari opin

Innanlands | 11/10-2018 13:28
Marius Rein og Ann Dahl Hansen | Mynd: folkakirkjan.fo

Tað verður mangan tikið til – og kanska av røttum – at tær føroysku kirkjurnar eru alt ov lítið opnar.  Hetta skal skiljast so, at kirkjan er opin sunnu- og halgidagar, tá gudstænasta er, og aðrar dagar, tá onkur serstøk tænasta er, sum til dømis ein jarðarferð ella ein konsert. Tað skrivar folkakirkjan.fo les alt her:

Hesin veruleiki er helst galdandi fyri flestu av kirkjum okkara. Men nú ætla tey í Havnar kirkju at broyta hesa siðvenju, um ein kann kalla tað so. 

- Vit ynskja snøgt sagt, at okkara kirkja skal vera oftari opin enn áður, sigur Marius Rein, sum er formaður í kirkjuráðnum. 

Hetta segði hann í práti við útvarpskvinnuna, Rannvu G. Fossaberg, sum mikumorgunin vitjaði Havnar kirkju í sendingini ”Góðan morgun, Føroyar”. 

Útvarpskvinnan var farin oman í kirkjuna at hitta formannin í kirkjuráðnum og prestin, Ann Dahl Hansen í samband við eitt nýtt tiltak, sum kirkjan skuldi fara undir dagin eftir (tað vil siga í dag, hósdagin 27. september). 

Tiltakið kalla tey snøgt sagt fyri ”Morgunandakt í Havnar kirkju”. 

EITT GOTT ORР
Marius Rein greiddi í samrøðuni frá, at bæði kirkjuráðið og prestarnir við kirkjuna hava tosað saman um, at kirkjan er ov lítið opin, serliga í vetrarhálvuni. 

- Vit hava sjálvandi gudstænasturnar sunnu- og halgidagar, men umframt tiltakið ”Nánd” sum er triðja hvønn mikudag, er hon lítið brúkt. 

- Vit ynsktu tí, at henda vakra og 230 ára gamla kirkjan í hjartanum í Havn, skuldi verða meiri brúkt. Tí kom hugskotið fram um at hava eina morgunandakt hvønn hósdag fyrrapart, segði hann. 

Við hesum bjóða tey fólki innar til eina friðarliga løtu við sangi og einum góðum orði við sær út aftur í gerandisdagin. 

- Men vit fara ikki at steðga her, tí vit eru avgjørt sinnaði at kirkjan skal vera opin oftari, enn hon er nú. 

- Hetta er so tað fyrsta tiltakið á hesi leið, sló Marius Rein altso fast. 

Arbeitt verður millum annað við at fáa eina kvøldargudstænastu skipaða, og óhugsandi er ikki, at onkur ungdómsgudstænasta verður sett á skrá seinni. 

15 MINUTTIR 
Presturin, Ann Dahl Hansen greiddi í Góðan Morgun, Føroyar frá, at ætlanin er ikki, at henda morgunandaktin skal gerast ov drúgv. 

- Nei, hon skal faktist ikki vara longri enn einar 15 minuttir, vísti hon á. 

Tiltakið byrjar sum ein vanlig gudstænasta við klokkuringing, præludium og einum góðum morgunsálmi. Eftir tað verður ein bøn biðin og eitt petti úr Bíbliuni lisið upp, áðrenn seinasti sálmurin var sungin og bønin Faðirvár var biðin. At enda lýsir presturin vælsignilsið, og so endar løtan við at klokkan ringir biðisløgini og urguleikarin spælir postludiumið. 

- Vanligt er, at kirkjufólkið fer at ganga út úr kirkjuni, tá urguleikarin byrjar at spæla. 

- Men vit ætla, at fólkið skal vera sitandi, til hann er liðugur at spæla. So kunnu tey savna tankar sínar um tað tey hava hoyrt, ella tey kunnu biðja eina bøn, sigur Ann Dahl Hansen. 

TIKIN TIL VIKS 
Tá gudstænastur verða hildnar, so liggja tær vanliga í einum tíðarbili, har fólk hava frí. 

Í hesum føri hevur ein tó valt at leggja hesa morgunandaktina mitt í arbeiðstíð – klokkan 10 ein hósmorgun, tá fólk flest eru bundin at sínum arbeiðsplássi og tí ikki kunnu fara haðani. 

- Vit hava sjálvandi hugsað um hetta, men tiltakið er ætlað øllum. Hinvegin, - tiltakið liggur soleiðis, at tað kanska í ein ávísan mun vendir sær til pensjónistar. 

- Men hetta er somuleiðis fyri fólk ið arbeiða niðri í býnum, ella hava einihvørji ørindi í býnum, og hava hug at vera tikin eitt sindur til viks úr einum mangan stressaðum gerandisdegi, vísti Ann Dahl Hansen á. 

(Nevnast kann, at undirtøkan var sera góð. Ann Dahl Hansen upplýsir fyri folkakirkjan.fo, at 80 fólk vóru til hesa fyrstu morgunandaktina!) 

Tað er Snorri Brend, sum skrivaði hetta 25.september á kirkjan.fo 


Lagt út: Birgir Waag Høgnesen
Lýsing
Mest lisið í farnu viku
Álvarsom lúgvisjúka stórtrívst millum ávísar journalistar í Føroyum
Norð­oyggjar missa nógv orsaka av fiski­vinnu­nýskipanini
Kristin Michelsen: Hetta er brot á lógirnar hjá Javnaðar­flokkinum
Kristin Michelsen stillar uppaftur
Ætlar Bjørn at forkoma Sjálvstýris­flokki­num?
Alt hevur sína tíð her á fold
Jenis ætlar sær í lands­stýrið
R7 og KvF samsenda
Kanning av kynsligari misnýslu av børnum í Føroyum
Fuglafjarðarsendingin (7) - 18. okt. 2018
Hugnaløtan (38) - Gestur: Karina Højgaard
Óreglusemi á fundarborði í fiski­mála­ráðnum
Ljóðbrot: Tá dunnan endaði undir sofuni
Líggjas Johannesen: Hvar eru pengarnir brúktir?
Sverri Hansen sagt seg úr búskaparráðnum
Metis - Øll sendingin - 16. oktober 2018
At lata Almanna­verki­num fleiri íbúðir loysir sjálvandi nakað
Myndarøð: Café"in á Mølini í Skálavík
Norðlysið gitar: Tummas Lervig fyri Hendrik Old
Eg gangi út frá, at Poul Michelsen hevur eina góða frágreiðing til vanliga skattgjaldaran
Saudi-Arabiski krúnprinsu­rin kann verða koyrdur frá
Myndarøð úr Føroyingahavn­ini: Tíðarin­nar tonn er farin avstað við tí mesta. 
Sjálvstýri havt ársfund
Terje hugleiðir um almennan og privatan kappróður.
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi