Spurningur 1: (5:10) "Í hesum døgum verða nógv ung fermd. Ferming er ein stórhending í lívinum hjá teimum ungu, ið onkusvegna markerar at man nú er farin frá at vera barn til at vera vaksin. Ella næstan vaksin í hvussu so er.

Men tað tykir mær sum, at alt resið rundan um hesa, annars góðu, siðvenju bara blívur verri og verri. Alt skal vera størri, og ógvusligari, og dýrari. Hús skulu umvælast, hundraðtals gestir bjóðast, og unglingin sjálvur skal mest sum druknast í peningi og øðrum gávum.

 Er hetta ikki fari ov langt?"

Spurningur 2: (18:20) "Kendi fyrrverandi politikarin Óli Breckmann, ið nú er vertur á R7, verður møguliga skuldsettur fyri brot á 266b í revsilógini. Orsøkin er, at hann í sendingini “Andøvsløtan” fyri áleið hálvum ári síðani, kallaði Norðurkoreanska einaræðisharran Kim Jong Un fyri eitt “skeivoygt sosialistiskt knetti”. Hetta fekk øði í ein mann, ið valdi at melda til løgregluna.

 Hvat halda tit? Er tað í lagi at nýta slíkan málburð? Ella eigur Óli Breckmann at verða revsaður fyri útsøgnir sínar? Skal tað vera nakað mark fyri hvat man kann siga, ella eiga fólk at kunna siga tað tey vilja so leingi tey ikki beinleiðis hótta onnur?"

Spurningur 3: (37:00) "Á sosialu miðlunum hevur man nú, í fleiri ár eftir hondini, sæð kvinnur ið leggja út myndir av sær sjálvum. Ikki fotomodell-aktigar kvinnur, men vanligar kvinnur, ið kanska hava ov nógv kilo, ella á annan hátt ikki passa inn í vakurleika-idealið í samfelagnum í dag. Hesin sokallaða kropspositiviteturin er ætlaður at gera upp við hetta idealið, sum kann ganga útyvir sjálvsálit og í ringasta føri sálarheilsuna. Men hvat við kropsligu heilsuni? Tað er veruliga ósunt og kropsliga skaðiligt t.d. at viga ov nógv og at eta ringan mat. Hvat heldur panelið um hesa nýggju dilluna?"