Anna Debes Hentze, er autoriseraður sálarfrøðingur, sum er specialiserað í kliniskari sálarfrøði. Hon hevur gjørt niðanfyrstandandi kanning av kynsligari misnýtslu av børnum í Føroyum.

Kanningin er gjørd yvir eitt 10 ára skeið, og byggir einans á mál har Anna sjálv hevur hitt fólk, sum hava verið fyri kynsligari misnýtslu sum børn. 

Kanningin byggir á 42 offur og 51 skemmarar. Av offrunum vóru 9 dreingir og 33 gentir. Av skemmarum vóru 47 mannfólk og 4 kvinnur. 20 av skemmarunum vóru úr Tórshavn og 31 vóru av bygd. Fólk í kanningini hava verið fyri ágangi í øllum aldrið, og misnýtslan hevur varierað - frá eina ferð til í áravís. 

Hugt varð eftir hvør, ið hevur gjørt mest - ovast á listanum eru fosturpápar ella sambúgvar hjá mammuni (37% av tilburðunum). 

1) Fosturpápar, ella sambúgvar hjá mammuni (37%).

2) Vinir og kenningar, daddur. Fólk sum ikki er familja, men sum barnið hevur álit á (22%).

3) Mammubeiggjar og pápabeiggjar, onkur sum er giftur inn í familjuna (18%). 

4) Abbar. 

5) Pápar.

6) Fríðtíðarlærarar (8%). 

7) Eldri dreingir. 

8) Mammur.

9) Ommur.

Sambært Onnu Debes Hentze líkist okkara støða hagtølum man sær um allan heim. Hetta segði hon m.a. í sendingini “Rák 13”, sum tú kanst hoyra í leinkjuni her.