Í løtuni er eitt rættarmál millum Fiskimálaráðið og eitt partafelag, sum eigur uppsjóvarskipið Atlantsfarið. Atlantsfarið misti fiskiloyvi, tí Vørn og Fiskimálaráðið meintu, at onkrar treytir í loyvinum ikki vóru hildnar.

R7 fekk fyri tíð síðan innlit í hetta mál. Eitt sum undrar okkum er, at fyrrverðandi eigari av felagnum váttar, 14/12-2015 vátta Hans Trúgvi Teirin, Nevndarformaður og Dánjal Jóhansen, stjóri, at teir eiga felagið og at útlendskur kapitalur er 30% sum er undir lógarkravið. Hetta verður gjørt undir revsiábyrgd. Stutt aftaná, boða somu menn  Vørn og Fiskimálaráðnum frá, at tað teir fyrr hava vátta undir revsiábyrd ikki er rætt.

Á fundi í Februar 2017 í fiskimálaráðnum lesa vit í fundarfrásøgn, at fyri Fiskimálaráðið luttóku Høgni Hoydal, Landsstýrismaður, Rógvi Reinert Aðalstjóri og Betzy Ludvík løgfrøðingur. Felagið var umboða av nýggja føroyska eigaranum, sum eisini var stjóri og tveimum advokatum.  

Skjøl viðvíkjandi Atlantsfarinum síggjast her: Innlit Atlantsfari

Av tí at broytta frágreiðingin hjá Hans Trúgva Teirin og Dánjal Jóhansen er ein orsøk til at loyvi verður tikið frá Atlantsfarinum, undrar tað at fiskimálaráðið ikki ger sína skyldu og meldar gomlu leiðsluna til løgregluna. Tað skal viðmerkjast, at eitt rættarmál er í gongd. Ein metingarmaður er settur at kanna onkur virðir.

Vinnur Atlantsfarið rættarsakina, skal Landskassin endurgjalda teimum tveysiffraða milliónaupphædd.

Vit hava spurt, men vit hava ikki fingið upplýst, um nakað meira er hent í hesum málið.