Innflutningurin veksur og útflutningurin minkar
Hagstovan veit at siga, at 8 teir fyrstu mánarnir í ár eru nógv innflutt og lítið útflutt
Hagstovan ger hvønn mána upp, hvussu nógv vit útflyta og hvussu nógv vit innflyta. Hesi tøl eru góðar ábendingar um, hvussu tað gongur í Føroyum.
Útflutningurin hevur stórsta partin av árinum verið munandi minni enn seinasta ár. Tað átti ikki at komið óvart á. Vit vistu longu seinsta ár, at alivinnan fór at taka minni. Somuleiðis vistu vit, at uppsjóvarkvoturnar vóru minni í ár. Eitt tal á 1 milliard lægri útflutning í ár enn í fjør bleiv nevnt tá. Og tað kann vísa seg at tær metingarnar vóru rættar.
Innflutningurin er vaksin munandi. Tá skip og flogfør ikki eru írokna, er vøksturin fyrstu 8 mánarnar í ár vaksin 574 milliónir. Tað er ein vøkstur á 13%
Ein partur av orsøkini er hækkandi oljuprísir. Hin orsøkin er tilfar til byggivinnu og maskinur og amboð. Innflutningurin av olju er øktur 259 milliónir og tilfar til byggivinnu og amboð/maskinur er økt 372 milliónir.
Økingin í innflutningi av vørum, sum palliba keypur er bara øktur 3%.
Innflutningur av skipum og flogførum er minkaður úr 341 mió. niður í 8 mió. Tað pyntar tølini, men tað sigur kanska eisini nakað um okkurt annað.
Hesi tøl geva tí ábending um at tað enn eru góðar tíðir, men at roknast kann við at tað verður afturgongd í búskapinum í nærmastu framtíð. Tó ber ikki til at siga um afturgongdin er lítil ella ikki.
Mest lisið í farnu viku
Samband
Heygsvegur 8
490 Strendur