Sverri Hansen sagt seg úr búskaparráðnum
Kristina Háfoss liggur ikki á boðunum og ætlar sum skjótast at broyta lógini, soleiðis at onkur á Fróðskaparsetrinum framyvir kann verða limur í Búskaparráðnum.
Sverri Hansen, sum seinastu árini hevur verið formaður í Búskaparráðnum, hevur sagt seg úr starvi. Og grundgevingin er rættuliga óvanlig.
Sverri Hansen sigur, at við verðandi samanseting av Búskaparráðnum, ynski eg at siga meg úr starvi.
Hetta er ein sera óvanlig grundgeving. At siga seg frá í einari almennari nevnd við hesari grundgeving er neyvan hent áður.
Tað eru tríggir limir í Búskaparráðnum, harav Sverri Hansen er ein. Og sigast kann at hinir báðir limirnir hava avmarkaðar royndir.
Tað hevur eisini verið vanligt, at limirnir í Búskaparráðnum hava avmarkaðar royndir. Sverri Hansen er tó ein at teimum, sum hevur fingist við eitt sindur av hvørjum. Hann var millum annað við til at endurstovna JFK og Skála Skipasmiðju fyri umleið 25 árum síðan.
Tað eru reglur fyri, hvør kann veljast sum limur í Búskaparráðið. Sambært lógini eru hetta treytirnar fyri hvør kann veljast í Búskaparráðið: Stk. 3.1) Limirnir í ráðnum kunnu ikki starvast í fyrisitingini hjá landsstýrisfólkunum ella starvast á Fróðskaparsetri Føroya.
Trupult at síggja at hetta skal verða ein avmarking. Tað eru nógvir búskaparfrøðingar við nógvum royndum og kanditatprógvi í Føroyum.
Hóast tað er vítt til veggja at velja, so heldur formaðurin í Setursráðnum, (tað er stýrið fyri Fróskaparsetrið) at tað er ein trupulleiki. Formaðurin í nevndini, sum velur limir, segði við Kringvarp Føroya í gjár, at reglurnar gera tað trupult at velja limir í Búskaparráðið.
Tað var eitt sindur trupult at síggja tað skilagóða í grundgevingini hjá Ólavur Ellefsen. Tað gevur so orsøk at hugsa nærri um grundgevingina hjá júst fráfarna formanninum.
Men Kristina Háfoss sær út til at skilja trupulleikan. Hon liggur ikki á boðunum og ætlar at broyta lógina longu í ár, soleiðis at ein limur kann starvast á Fróðskaparsetrinum.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur