Úr útheiminum
Ein samling av stuttum tíðindum úr útheiminum.
Jarðskjálvti á Taiwan
Ein jarðskjálvti við í minsta lagi styrki 6 hevur verið eystarnfyri Taiwan. Í høvuðstaðnum Taipei merktust sterkar ristingar. Middepilin í jarðskjálvtanum var 95 km. í ein landsynning úr strandabýnum Su-ao á 26 kilometra dýpi, sigur Reuters. Fyribils eru ongar fráboðanir komnar um skaðar av skjálvtanum.
Palistinsk trygdarlið fremja píning
Palistinsk trygdarlið fremja skipaða píning av fangum í so stóran mun, at talan kann vera um brot móti mannaættini. Tað stendur í eini nýggjari frágreiðing frá Human Rights Watch.
Heimsins longsta brúgv opnaði í dag
Tíðindastovan AFP skrivar, at kinesiski forsetin Xi Jiping hevur í dag opnað heimsins longstu brúgv tvørturum hav. Stóra brúgvin bindur saman Hongkong, Macau og kinesiska fastlandið. Brúgvin er 55 kilometrar long og almenna ferðslan byrjar at koyra eftir henni í morgin. Byggingin av brúnni byrjaði í 2009.
Stýrdi drápinum umvegis Skype
Tað var ein ráðgevi hjá Saudiarabiska krúnprinsinum, Mohammed bin Salman, sum stóð fyri drápinum av journalistinum Jamal Khashoggi, og tað skal hann hava gjørt umvegis Skype. Tað skrivar tíðindastovan Reuters.
Í gjár kom fram, at ein av teimum 15 persónunum, sum er undir illgruna í málinum, var filmaður í klæðunum hjá Khashoggi sama dagin sum journalisturin hvarv. Tað segði ein høgtstandandi turkisk kelda við CNN.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur