Tilboðini vóru lægri enn kostnaðarmetingin
Í sambandi við skúlabyggingina í Fuglafirði var innboðin lisitatión í gjár.
Býráðið í Fuglafirði samtykti í vár at bjóða arbeiðið at byggja nýggja skúlan út í innbodna lisitatión, eftir at Høvuðsarbeiðstakarin hevði boðað frá, at fyritøkan tók seg út úr partalagssamstarvinum. Arbeiðstakarin bant seg tó til at gera alt betongarbeiðið liðugt.
Lisitatiónin var býtt í 3 stórarbeiðstøkur, sum tilsamans 10 fyritøkur bjóðaðu uppá
Í stórarbeiðstøku A, sum er timbur, snikkara, múrara, málara og gólvarbeiðstøkur, var MT Højgaard lægst. Tilboðið hjá teimum var 35,8 mio. krónur.
Í stórarbeiðstøku B, sum er HVS og ventilatión, var Victor á Lakjuni lægstur. Hann bjóðaði seg at gera arbeiðiðð fyri 12,7 mio. krónur.
Í stórarbeiðstøku C, sum er elarbeiðið, var ElCon lægst við 6,1 mio. krónum.
Samanlagt vóru tilboðini nakað lægri enn kostnaðarmetingin. Sonni á Horni, borgarstjóri, sigur, at samlað vóru tilboðini 54,5 mio. krónur, meðan metingin var 62 mio. krónur. Hann sigur eisini at tað næsta sum fer at henda er, at ráðgevarar fara hvør til sítt at eftirkanna tilboðini, fyri síðani at koma við tilmæli til býráðið at taka støðu til. Miðað verður móti at undirskriva sáttmálarnar í ár.
Skúlin, sum er 3.600 fermetrar, skal hýsa barnaskúla, tónleikastovur, ítróttarhøll og umsiting.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur