Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Álopið prógvar, at jødahatrið framvegis blómar kring heimin

Lesarabrøv, Uttanlands | 29/10-2018 22:00

So hendi tað einaferð enn, hesuferð í sjálvum Amerika, háborg jødanna í útlegdini: Jødar atsøktir og dripnir við køldum blóði. Einans tí teir eru jødar.

Drápshendingin, sum fór fram hendan leygardagin í sýnagoguni í Pittsburgh í Amerika, minnir okkum mikið um eina aðra kenda og minnisríka atsókn móti jødum fyri 45 árum síðani.

Nú hendan leygardagin, á sjálvum sabbatsdegnum, vikuhalgidegi jødanna, tá jødar kring allan heim fara í teirra halgidómar at tilbiðja Gud Ísraels, leitaðu jødar sær eisini inn í sýnagoguna

í Pittsburgh saman við sínum kæru. Men kappliga endar alt í einum blóðbaði, tí ein jødahatari fór innar í halgidómin við tí endamáli at skjóta frá hond og drepa so mong av tilbiðjandi mannfjøldini, ið inni var.

Hugsan mín fer aftur til Yom Kippurdagin í Ísrael í oktober 1973, háheilagasta dag jødanna. Hendan dagin, tá ið mestsum alt samfelagið lá lamið – eingin bussar koyrdu, umframt at aðrir partar av samfelagnum gingu í tómgongd, og flestu hermenn og gonguførir jødar høvdu leitað sær innar í halgidómin - júst tá lupu grannalondini enn einaferð á Ísrael við ovurhonds stórum herliðum og hervápnum fyri at jarðleggja jødiska státin Ísrael og reka allar jødar út í Miðjarðarhavið og soleiðis gera enda á einasta friðskjóli jødafólksins.

Men hetta níðingsálop á størsta halgidegi Ísraels miseydnaðist fullkomiliga.

Tað gerst mær meiri og meiri greitt, at jødahatrið – alt, sum tað er – er sprottið úr sjálvum myrkursins hellum og avgrundardýpinum, íblást av sjálvum myrkursins- og avgrundarinnar grumma harra.

Myrkursins andaherar við øllum teirra gudsnoktandi og gudhatandi fylgisveinum, ílatnir mannahamin, ganga framvegis leysir og standa sum gubbar á nazistisku kórsgáttini undir liðini á kendastu nasigubbunum: Adolf Hitler, Gøbbels, Eichmann og hinum hug- og siðspiltu nasistisku oddamonnunum.

Síðani grovu álopini á jødar í Fraklandi og Danmark, sum skelkaði øll skilafólk, eru túsundtals jødar farnir úr Fraklandi og og aðrastaðni í Evropa til Ísraels, tí teir kenna seg ikki tryggar. Ísrael tykist meiri og meiri fara at gerast einasta trygdarstað jødanna, eisini fyri jødar í Evropu. Ógvisliga drápshendingin í Amerika leygardagin, fer helst at skunda undir enn størri jødaflyting haðani og heim til Ísraels, eins og atsóknir at jødum kring heimin aloftast hava elvt til.

Í hesum sorgardøgum í søgu jødanna, vil eg, saman við mínum kæru, mongu vinum jødafólksins í Føroyum og øllum teimum mongum, ið hava ferðast við mær, í Ísrael, vísa jødiska fólkinum mína og okkara djúpastu samkenslu og siga: Vit biðja fyri tykkum og standa saman við tykkum.

Svenning av Lofti    

 


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Randi Jacobsen
Lýsing
Mest lisið í farnu viku
Uppskotið sum flent varð eftir hevði komið væl við nú
Rák (29) 5G tøkni og undirskriftinn­savning móti, at føroyingar verða millum fyrstu í heiminum at fáa 5G
Byggigølan á Glasi - tey eru skelka!
Hugnaløtan (47) - Gestur: Jógvan Arge
Video: Kópur etur fisk áðrenn hann fer aftur í trolið
Prát við Arna Zachariassen um burðartal
Prát við Anfinn Olsen
Ferðslutrygd 43 ár í dag
Kópur oyðir toskastovnin í New Foundlandi
Samrøða við Jacob Vestergaard um Glasir
R7 Premier League (33) - 21. jan 2019
Republikanskt CO2 sirkus á Vaglinum í Havn
Fyrrver­andi KÍ venjari ger nýggja skreytútgávu av Føroyingasøgu
Prát við Virgar Dalsgaard um leiklutin hjá Emil Joensen í samband við "Merkið"
"Kom á 2069!" (45) - 18. jan 2019
Barbara Holm gevst sum blaðstjóri á Sosialinum
Javnaðar­flokku­rin avdúkar nýtt valevni
Bárður, Jacob, Bill og Kristin vilja ikki á fund við Kristinu Háfoss
Ronaldo játtar seg sekan
Sølu- og marknaðarleiða­rin í Miðlahúsi­num er farin í annað starv
Tíðindi klokkan 12
Desember størsta vøkstur í arbeiðsplássum í USA nakrantíð
Valskráin hjá KvF
Prát við Jón Simonsen úr Hvannasund, um serligan útróðrartúr
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi