Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

BRÁTÍÐINDI: Hey og NEMA leggja saman

Innanlands, Vinnulív | 01/11-2018 17:51

Vit kenna øll nøvnini Kall, Vodafone og síðani Hey. Tað er ein telefyritøka. Vit kenna eisini øll nøvnini FaroeDane og síðani Nema, tað er ein fyritøka sum selur kunningartøki, skrivstovuútgerð og skivstovuinnbúgv. Hesar fyritøkur hava í dag lagt saman. LES ALT HER

Hey á føroyskar hendur

Telefelagið Hey fær nú føroyskar eigarar. Føroyskt felag hevur keypt meirlutan av telefelagnum og í sama umfari verða feløgini Hey og Nema løgd saman í eitt felag undir somu leiðslu. Nýggja samanlagda felagið skal leiða Føroyar inn í talgildu framtíðina.

P/F Tjaldur hevur gjørt avtalu um at keypa meirlutan av partapeninginum í Hey, og avbjóðarin á føroyska telemarknaðinum kemur sostatt aftur á føroyskar hendur.

Sum partur av keypinum verða Hey og Nema, ið Tjaldur eisini eigur meirilutan í, løgd saman í eitt felag undir somu leiðslu í næstum. Endamálið er at skapa ein sterkan og nýghugsandi føroyskan KT- og televeitara, ið skal gerast leiðandi á føroyska marknaðinum og við tíðini eisini bjóða seg fram uttan fyri Føroyar.

Júst í Túni, ið hevur verið stjóri á Nema síðan 2015, heldur fram sum stjóri í samanlagda felagnum.

- Tøknin mennist og tíðirnar skifta. Nema hevur eina langa søgu og tað er spennandi at kunna byrja ein nýggjan kapitul saman við Hey. Í nýggja samanlagda felagnum halda vit fram við at hava kundan í fokus og leggja okkum eftir framhaldandi at veita bestu loysnir og tænastur, sigur Júst í Túni Vang, stjóri í nýggja samanlagda felagnum.

Nýggju føroysku eigararnir hava heitt á Rúnar Reistrup um at gerast nevndarformaður fyri samanlagda felagið. Rúnar hevur verið nevndarlimur í Hey síðan 2013, og seinastu tvey árini hevur hann eisini røkt starvið sum stjóri í felagnum.

- Tað hevur verið eitt aðalmál fyri okkum, bæði nevnd og leiðslu í Hey, at fáa føroyskar eigarar inn í fyritøkuna, og tí eri eg sera fegin um at tað nú hevur eydnast at fáa meirilutan á føroyskar hendur. Ein fyritøka, ið hevur so stóran samfelagsligan týdning fyri Føroyar, sum Hey hevur, eigur eftir mínum tykki at vera væl grundfest í Føroyum. Samanleggingin við Nema verður er eitt stórt frambrot fyri føroyska KT- og telemarknaðin, sigur komandi nevndarformaðurin í nýggja samanlagda felagnum, Rúnar Reistrup.

Nýggja samanlagda fyritøkan fer at halda fram undir báðum virkisnøvnum. Nema navnið heldur fram at mynda KT-virksemið, og Hey verður framhaldandi vørumerkið fyri tele-tænastur.

Samanleggingin av Hey og Nema er treytað av at Kappingarráðið góðkennir ætlanina.

 

Um Hey

Hey varð stovnað í 2001 undir navninum Kall og hevur síðan gingið á odda at fremja kapping á føroyska telemarknaðinum. Síðan Hey kom á marknaðin eru prísirnir á samskifti nógv lækkaðir og Føroyar eru komnar í fremstu røð innan fjarskifti. Felagið hevur gingið á odda í tøkniligu menningini og var fyrsti veitarin í Føroyum at útbyggja 3G og 4G. Í løtuni er Hey í gongd við at útbyggja fyrsta føroyska 5G netið.

Um Nema

Nema varð stovnað í 2007 og hevur eina leiðandi støðu sum veitari av KT-útgerð, -tænastum, -skipanum, innbúgvi og skrivstovuútgerð til føroysku vinnuna, stovnar og kommunur. Nema er góðkendur Dell, HP, Apple, Canon, OKI og Microsoft og Canon partnari og hevur harumframt góðkent Dell, HP, Lenovo, Canon, OKI og Apple verkstað.

 


Lagt út: Birgir Waag Høgnesen
Lýsing
Mest lisið í farnu viku
Uppskotið sum flent varð eftir hevði komið væl við nú
Rák (29) 5G tøkni og undirskriftinn­savning móti, at føroyingar verða millum fyrstu í heiminum at fáa 5G
Byggigølan á Glasi - tey eru skelka!
Hugnaløtan (47) - Gestur: Jógvan Arge
Video: Kópur etur fisk áðrenn hann fer aftur í trolið
Prát við Arna Zachariassen um burðartal
Prát við Anfinn Olsen
Ferðslutrygd 43 ár í dag
Kópur oyðir toskastovnin í New Foundlandi
Samrøða við Jacob Vestergaard um Glasir
R7 Premier League (33) - 21. jan 2019
Republikanskt CO2 sirkus á Vaglinum í Havn
Fyrrver­andi KÍ venjari ger nýggja skreytútgávu av Føroyingasøgu
Prát við Virgar Dalsgaard um leiklutin hjá Emil Joensen í samband við "Merkið"
"Kom á 2069!" (45) - 18. jan 2019
Barbara Holm gevst sum blaðstjóri á Sosialinum
Javnaðar­flokku­rin avdúkar nýtt valevni
Bárður, Jacob, Bill og Kristin vilja ikki á fund við Kristinu Háfoss
Ronaldo játtar seg sekan
Sølu- og marknaðarleiða­rin í Miðlahúsi­num er farin í annað starv
Tíðindi klokkan 12
Desember størsta vøkstur í arbeiðsplássum í USA nakrantíð
Valskráin hjá KvF
Prát við Jón Simonsen úr Hvannasund, um serligan útróðrartúr
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi