Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Agnar Nielsen 90 ár í dag

Innanlands | 06/11-2018 07:00
Agnar Nielsen 90 ár í dag | Mynd: folkakirkjan.fo

Kendi Vestmenningurin, Agnar Nielsen fyllir 90 ár í dag. Hóast sín høga aldur er hann um ikki hvønn dag, so ofta á floti.

Agnar er vestmenningur, sonur Sannu Aagaard úr Leirvík og Jens Nielsen úr Vestmanna. 
Hann er útbúgvin skipstimburmaður og var bedingsmeistari á skipasmiðjuni og seinni stjóri á Vestmanna Skipasmiðju. Agnar arbeiddi sum kavari kring allar føroyar í nógv ár. Hann var løgtingsmaður í heili  20 ár og fleiri av teimum var hann løgtingsformaður. Agnar umboðaði Sambandsflokkin. 

Á kirkjan.fo stendur hendan greinin at lesa um Agnar tann 15. november í 2016 ( vit endurgeva hana her )  

Vestmanna - Agnar Nielsen, deknur
Eftir Jústinus Leivsson Eidesgaard 

Agnar Nielsen er i skrivandi løtu knappliga 87 ára gamal. Søgan um heilt, langt og hendingaríkt lív, stendur skrivað í djúpu foyrunum í gamla og milda andlitinum og eg kenni meg væl, meðan eg hyggi inn í bládýpið í kláru eygunum, sum glitra undir eygnabrýrnum. Agnar er føddur 6 november 1928. 

 -Eg eri vestmenningur, men tað var faktisk abbi mín, sum flutti úr Kvívík, hann setti seg niður í Vestmanna og var bátasmiður. Og kanska var tað abbi, sum á ein hátt kom at mynda mína starvsleið. 

  -Eg lærdi á skipasmiðjuni í Vestmanna, tók sveinaprógv niðri og kom so heim aftur at arbeiða. Eg var á skipasmiðjuni fram til 1964, tá ið eg fór niður til Skagen at sigla. Hetta var í tíðini, tá ið øll pláss skuldu hava havnir og flakavirkið og eg sá møguleikan at royna meg sum kavara. Eg arbeiddi nøkur ár sum kavari, eitt nú á Toftum. Kavaraarbeiðið var hart arbeiði, men eg havi altíð havt góða heilsu, so tað bilti ikki. Tá ið eg varð valdur á løgting í 1970, mátti eg gevast sum kavari. Eg sat á tingi í 20 fylgjandi ár. Sambandið við skipasmiðjuna hevði eg í mong ár, har eg bæði var bedingsformaður og seinni stjóri. 

    -Eg og Lilly giftust í 1951 og gjørdist deknur um hetta mundi sum avloysari. Tá ið skúlin fór í summarfrí avloysti eg, men tað var skjótt, at eg gjørdist fastur deknur. Mær hevur dámt væl at vera deknur, eg tók tað sum eitt arbeiði innan kristna arbeiðið. Tá ið eg tók við hevði Jákup í Follendi verið leingi deknur einsamallur. Seinni kom Jaspur Olsen, lærari og eg og hann fóru at skiftast, tað var betri. Deknastarvið hevur verið ein tryggur tunnuflaki hjá mær at staðið á í lívinum. 

Hvussu møti eg Lilly? Eg fekk eitt klædnastykkið í konfirmatiónsgávu, hetta skuldi gerast til ein klædning. Klædnastykkið varð liggjandi og einaferð fekk eg tað hugskot at fara suður til Vágs at vitja systir mína. Eg hevði klædnastykkið við, tí í Vági var bæði skræddari og elektrisitet. Eg nevni tað, tí í Vestmanna vóru bara petroleumslampur um hetta mundið. Á hesi ferð møtti eg Lily úr Vági, hon var dóttir Mortan, politi. 

    -Vit giftust og fingu 9 børn. Tá systkin eru fleiri, gerast tey skjótari sjálvbjargin. Vit høvdu ikki arbeiðskonu. Lilly var eitt ógvuliga livandi menniskja og fekk nógv frá hondini. Og vit skiltust so knappliga. Hon varð yvirkoyrd við SMS í Havn. Bilførarin sá hana ikki. Tað var ringt, vit vóru so avhengig av hvørjum øðrum, vit vóru altíð saman. Hetta var so knappligt og tungt. Mítt andaliga lív hevur altíð verið gerandisligt og tað var mær ein góð hjálp í hesi sváru tíð. Hon var 69, tá ið vanlukkan hendi. 

    -Undarligt. Stutt undan vanlukkuni, segði Lily ein dagin við meg. Nú ert tú so gamal, um nú eg doyði, vildi tú funnið tær eina aðra. Eg helt ikki. Men fýra ár eftir vanlukkuna giftist eg aftur við Klaru úr Porkeri. Hon var einkja. Vit fingu tvey ár saman, so doyði hon av sjúku. 


Lagt út: Birgir Waag Høgnesen
Lýsing
Mest lisið í farnu viku
Laksafoss sleppur ikki í Sjálvstýris­flokkin
Ósemja í Sjálvstýris­flokki­num um Laksafoss
Tvístøða (46) - Gay Porno
Spyr enn einaferð um lønina hjá sjómonnum
Kristin Michelsen skal standa fyri vígsluni av Evu og Lailu
Byggir iglo at búgva í
Tvístøða (46) - LGBT áheitan óneyðug
Menningarkvota verður væntandi tikin aftur
Eirikur Lindenskov: Tað er ikki ordiliga rætt
Laksatorva á vegnum
Settu eld á arbeiðsbilin hjá Vestmanna kommunu
Fuglafjarðarsendingin (10) - 08. nov. 2018
Hann skal leika við KÍ
VINNULÍV: OK-heilsølan handar felagnum Stoyp "nýggjan" kranabil
Norskt krígsskip sakk eftir samanstoyt
Biografar vilja ikki vísa filmin um fosturtøkulæknan Gosnell
“Maki 1” og “maki 2” er ramasta álvara
Tídningu­rin av at kenna tey røttu
Vespureiðrið (97) - Seinasta sending 2018 - 12. nov 2018
Fimmplettut mariuhøna staðfest í Føroyum
FERÐALAG Í RUMENIA - 22 til 28. oktober
Jóhann Lützen stjóri á Norð­lysi­num: Hví standa norð­oy­ingar ikki saman
"Kom á 2069!" (38) - 9. nov 2018
Rák (23) Dagstovnaøkið er niðurraðfest seinastu 10 árini
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi