Eirikur Lindenskov: Tað er ikki ordiliga rætt
Er tað nakar sum er serfrøðingur í føroyskari politiskari søgu, so er tað blaðstjórin á Sosialinum, Eirikur Lindenskov. Altíð nágreiniligur og veit sera neyvt um hagtøl. Á facebook hartar hann eitt eitt innslag í Degi og Viku um kvinnuumboðan.
Hví verður Jona Henriksen gloymd?
Karin Kjølbro hevur verið ófør og tikið sítt tak fyri kvinnusakina í føroyskum politikki. Tað skal eingin taka frá henni.
Men løgið at síggja innslag í Degi og Viku um, at Karin Kjølbro er fyrsta kvinna, sum er vald á ting. Tað er ikki ordiliga rætt. Søgan um kvinnur á Føroya Løgtingi byrjar IKKI 7. november í 1978, tá Jona Henriksen og Karin Kjølbro vórðu valdar á ting.
Tí kvinnur hava havt fast sæti á Føroya Løgtingi síðani 20. mars í 1975.
Hendan dagin tók Jona Henriksen við tingsessinum fyri landsstýrismann sum fyrsta kvinna í Føroyum nakrantíð við føstum sæti á tingi – akkurát sum Helena Dam Á Neystabø, Jónleif Johannesen, Kristianna Winther Poulsen, Ruth Vang, Bjørt Samuelsen, Óluva Klettskarð, Pauli Trond Petersen og Ingolf Sólheim Olsen hava í dag.
Jona Henriksen sat eisini á tingi, tá løgtingsvalið var 7. november í 1978, tá hon OG Karin Kjølbro báðar vórðu valdar at ting sum fyrstu kvinnur nakrantíð.
Men hetta man Beinta Løwe hava greinað rætt í bókini um kvinnurnar og valrætt í eina øld.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur