Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Vágs kommunu skilja lívrunnið tilfar frá vanliga ruskinum

Innanlands | 08/11-2018 09:00

Seinasta árið hevur Vágs kommuna arbeitt við ætlan, sum skal føra við sær, at kommunalir stovnar og húsarhald í Vági fara at skilja lívrunnið tilfar frá vanliga ruskinum, sum verður ført til brennistøðina hjá IRF á Hagaleiti til brenningar, og gera hetta um til kompost ella sankutøð.

Nú verða so fyrstu stigini tikin og í vikuni varð royndarskipan sett í verk í dagstovninum Eikilund í Vági. Í Eikilund eru tey byrjaði at skilja lívrunnað tilfarið frá vanliga húsarhaldsruskinum. Vøggustova og barnagarðsstovur í Eikilund hava fingið serliga ruskspann og maisposar, sum upploysast í nattúruni, og verður lívrunnað tilfarið skilt frá vanliga ruskinum og latið í hesar posar og ruskspann og síðani í kompostkassa, sum er gjørdur til endamálið.

Royndarskipanin í Eikilund kemur at koyra komandi mánaðirnar. Síðani verður skipanin víðkað til aðrar kommunalar stovnar. Harumframt verður arbeitt við fyrireiking av skipan, har øll húsarhald í Vágs kommunu skulu skilja lívrunnað tilfarið frá vanliga ruskinum, sigur Dennis Holm, borgarstjóri.

Nógv lívrunnið tilfar í ruskinum
Um donsk tøl verða brúkt sum vegleiðandi, so tveitir hvør føroyingur hvørt ár burtur umleið 600 kg. av ruski, sum einamest fer til brenningar á brennistøðunum hjá IRF og hjá Tórshavnar kommunu. Bara úr Vágs kommunu fara hvørt ár umleið 800 tons av ruski til brennistøðina hjá IRF á Hagaleiti í Leirvík. Úr allari Suðuroynni fara umleið 2.800 tons um árið til brennistøðina í Lerivík.

Verður væl skilt, so eru útvið 40% av ruskinum, sum í dag fer til brenningar, lívrunnið tilfar, sum kann fara aftur í náttúruna, um rætta móttøkuskipanin er tøk. Sostatt fara umleið 300 tons av lívrunnum tilfari úr Vágs kommunu hvørt ár til brennistøðina hjá IRF, sum kundi farið aftur til náttúruna. Fyri Suðuroynna er talan um tilsamans umleið 1.100 tons av lívrunnum tilfari, sum verður flutt norður við Smyrli og koyrt til brennistøðina í Leirvík.

Skulu sjálvsagt skilja lívrunnað tilfar frá!
Í grannalondum okkara er púra vanligt, at húsarhald skilja lívrunnað tilfarið frá vanliga ruskinum, og sjálvsagt eiga húsarhald í Føroyum eisini at skilja lívrunnað tilfarið frá, sigur Dennis Holm, borgarstjóri.

Vágs kommuna arbeiðir við ætlan um skipan, har húsarhald skulu skilja lívrunnið tilfar frá vanliga ruskinum, sum so verður savnað í kommunalari komposteringsskipan. Slíkar skipanir eru í grannalondum okkara og eru í sera einfaldar, sigur borgarstjórin. - Eftir 180-200 dagar er lívrunnað tilfarið vorðið til mold / sankutøð, sum kann brúkast aftur bæði í kommunalum urtagørðum og heima hjá fólki í kommununi.

Vit hava seinastu 4-5 árini arbeitt sera miðvíst við grøna profilinum hjá Vágs kommunu, ætlanin við at skilja lívrunnað tilfarið frá vanliga ruskinum er ein greiður liður í hesum arbeiðinum, sigur Dennis Holm, borgarstjóri at enda.

 


Lagt út: Randi Jacobsen
Lýsing
Mest lisið í farnu viku
Uppskotið sum flent varð eftir hevði komið væl við nú
Rák (29) 5G tøkni og undirskriftinn­savning móti, at føroyingar verða millum fyrstu í heiminum at fáa 5G
Byggigølan á Glasi - tey eru skelka!
Hugnaløtan (47) - Gestur: Jógvan Arge
Video: Kópur etur fisk áðrenn hann fer aftur í trolið
Prát við Arna Zachariassen um burðartal
Prát við Anfinn Olsen
Ferðslutrygd 43 ár í dag
Kópur oyðir toskastovnin í New Foundlandi
Samrøða við Jacob Vestergaard um Glasir
R7 Premier League (33) - 21. jan 2019
Republikanskt CO2 sirkus á Vaglinum í Havn
Fyrrver­andi KÍ venjari ger nýggja skreytútgávu av Føroyingasøgu
Prát við Virgar Dalsgaard um leiklutin hjá Emil Joensen í samband við "Merkið"
"Kom á 2069!" (45) - 18. jan 2019
Barbara Holm gevst sum blaðstjóri á Sosialinum
Javnaðar­flokku­rin avdúkar nýtt valevni
Bárður, Jacob, Bill og Kristin vilja ikki á fund við Kristinu Háfoss
Ronaldo játtar seg sekan
Sølu- og marknaðarleiða­rin í Miðlahúsi­num er farin í annað starv
Tíðindi klokkan 12
Desember størsta vøkstur í arbeiðsplássum í USA nakrantíð
Valskráin hjá KvF
Prát við Jón Simonsen úr Hvannasund, um serligan útróðrartúr
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi