Kristin Michelsen skal standa fyri vígsluni av Evu og Lailu
17. november skulu kvinnurnar Eva Sarita Berg og Laila Annika Nielsen giftast á Tvøroyri. Vígslur av samkyndum er nýggjur møguleiki í Føroyum, og higartil eitt sindur óvanligt fyribrigdi.
Tær báðar verða vígdar í býráðssalinum á Tvøroyri. Tað verður Kristin Michelsen, borgarstjóri, sum fer at standa fyri vígsluni.
Á Facebook skrivar Eva Sarita Berg, at eftir vígsluna verður veitsla í Miðnámsskúlanum í Hovi fyri gestunum.
Fyri Vp.fo sigur Eva, at "tað er ikki frítt, at vit eru nokkso spentar".
R7 hevur spurt borgarstjóran í Tvøroyrar kommunu, Kristin Michelsen, um hann ivaðist, tá ið hann varð biðin um at víga tvær kvinnur.
- Eg havi ongar viðmerking til tað. Formalia er í lagi, og sum borgarstjóri skal eg ikki standa í vegin. Ein lóg er ein lóg, og Eva Sarita og Laila Annika hava rættin á síni síðu, sigur Kristin Michelsen.
Sum R7 skilir, so vera 200 fólk til borðs í Hovi 17. november.
Mest lisið í farnu viku
Samband
Heygsvegur 8
490 Strendur