Settu eld á arbeiðsbilin hjá Vestmanna kommunu
Eingin kom til skaða, tá eldur var setur á ein bil hjá Vestmanna kommunu í seinastu viku. Sløkkiliðið var á staðnum, vandi var ikki á nakran hátt, sigur Høgni Johansen sløkkiliðsleiðari í Vestmanna
Bilurin á myndini stendur niðurbrendur í Vestmanna. Onkur hevur undrast og spurgt hvat er hent. Vit settu okkum í samband við sløkkiliðsleiðaran í Vestmanna.
Høgni Johansen, sum er sløkkiliðsleiðari sigur, at hann sum leiðari fyri sløkkiliðnum leggur til rættis fleiri venjingar til rættis árliga.
Hesafer var tað ein venjing har eldur var sett á ein bil, sum vit so royndi at sløkkja. ( myndin )
Vit hava mangan trupleikar at útvega bilar sum eru settir, at brúka til venjingar, men hesafer var tað eitt sindur nemmari hjá okkum.
Vestmanna Kommunan hevði sjálv ein arbeiðsbil sum skuldi til syn í næstum, men standurin var so vánaligur, at kommunan metti fragast at seta bilin.
Við hesum fingu vit í sløkkiliðnum ein bil frá kommununi, sum vit so brúkti til venjingina, sigur Høgni Johansen sløkkiliðsleiðari. Tað er tann bilurin sum er á myndini.
Venjingini var gjørd har vanlig fólk ikki kemur til dagligt, so vandi var ongantíð á fer.
Høgni sigur at enda, at teir eru 19 mans atknyttir til sløkkiliðið í Vestmanna, allir hava neyðuga førleikan, tí vit senda allar menn á skeið javnan -eins og vit sjálvir venja í Vestmanna.
Mest lisið í farnu viku
Samband
Heygsvegur 8
490 Strendur