Hugskotið skipar fyri kunningarkafé um møguleikar at søkja stuðul úr SME Instruments í HORIZON2020. 

SME Instrument veitir stuðul til smáar og miðalstórar fyritøkur, sum hava framleiðslu, tænastu ella annað, sum kann verða bjóðað út á marknaðir uttan fyri Føroyar. Stuðulin er í fyrsta lagi til kanning av marknaðinum. Í øðrum lagi kann verða søkt um stuðul til menning av framleiðsluni.

Maria Húsgarð, føroyskt National Contact Point í Horizon 2020, fer at kunna um SME Instruments skipanina og umsóknartilgondina. Høvi verður at seta spurningar og at leita fram tilfar og upplýsingar á viðkomandi síðum.

Kunningarkaféin verður í Hugskotinum í Sjóvinnuhúsinum í morgin, mikudagin, kl. 13.00. Luttakarar skulu hava teldu við.