Jólamerki 2018
Posta gevur á hvørjum ári út jólamerki, har ágóðin av søluni fer óskerdur í Jólamerkjagrunnin, sum stuðlar verkætlanum til frama fyri børn og ung. Í ár hevur Miriam Hinz teknað jólamerkini og myndevnið er kavamenn. Fimtan merki eru í arkinum.

Jólamerkini fáast til keyps á posthúsum kring landið og á heimasíðuni www.stamps.fo

Ársmappa
Kundi tú hugsað tær at keypt øll ársins frímerki skjótt og ómakaleyst? So er hetta loysnin. Í ársmappuni eru øll frímerki og smáørk, ið eru givin út í ár.

Árbók
Árbókin savnar allar ársins frímerkjaútgávur og saman við frímerkjunum fært tú áhugaverdu søguna aftanfyri hvørja útgávu lýsta við greinum og vøkrum myndum. 

Av útgávunum í 2018 kunnu nevnast flugur, brýr, ikonur, fleiri 100-ára hald og vakrar náttúrumyndir. Tekstirnir í hesi snøggu bók eru á donskum, týskum og enskum og hóskar bókin seg tí sera væl sum gáva til vinir og kenningar uttanlands. Frímerki og smáørk eru sett í lummar í árbókini.

Ársmappan og árbókin umframt aðrar vørur kunnu bíleggjast á www.stamps.fo

Plakat
Vakra ikonin, sum listakvinnan Astrid Andreasen hevur teknað og sum kom út sum frímerki fyrr í ár,  fæst nú eisini sum plakat.

Hendan snøgga plakatin hevur gullkant og støddin er 24 x 30 cm. Plakatin er prentað á dygdarpappír.
Hendan plakatin og aðrar jólavørur kunnu keypast á Posta og á  www.stamps.fo