Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Dýrir dreingir í Hoyvíkshaga

Innanlands, Lesarabrøv | 04/12-2018 13:14

Landsmyndugleikarnir mugu leysgeva Hoyvíkshagan til vindorkuútbygging sum allar skjótast. Tað ber ikki til, at festarin í hoyvíkshaga og Vindrøkt tarna vindorkuni, tí tað kostar øllum samfelagnum meira enn 30 milliónir kr. um árið í oljuútreiðslum

Í mínari tíð sum nevndarformaður í SEV stríddust vit eisini við Siggert Patursson og Jóhan í Niðristovu, sum halda seg hava einarætt til at byggja eina vindmyllulund í Hoyvíkshaga. Somu menn, sum annars eftirlýsa kapping á økinum, men bara ikki so leingi kappingin er ein meinbogi fyri teir sjálvar.

Teir eru eirindaleysir í síni framferð, tí so leingi eingin vindmyllulund kemur upp at standa í Hoyvíkshaga, ja so leingi kostar tað elveitingini hjá øllum Føroya fólki væl meira enn 30 milliónir krónur í oljuútreiðslum um árið, soleiðis sum vit tá roknaðu tað út í nevndini í SEV.

Vindrøkt sigur seg vera til reiðar at veita 6000 húsarhaldum streym frá einari vindmyllulund í Hoyvíkshaga, sum er almenn jørð. Vindrøkt og festarin gloyma, at tað er orkumyndugleikin, sum bestemmar, hvussu útbjóðingin skal gerast. Tað ber ikki til, at Siggert og Jóhan halda seg hava rætt at sita á haganum og soleiðis bæði skumpa útbjóðingarreglurnar hjá orkumyndugleikanum og elveitingarlógina til viks.

Eg haldi, vit hava bíðað nóg leingi eftir Hoyvíkshaga, og tí eigur landsstýrið av álvara at fara inn í málið og taka festaran og avtaluna, sum hann hevur við Vindrøkt, av ræði. Hetta er landsjørð, sum festarin og Jóhan halda seg hava einarætt til. Tað eigur ikki at lata seg gera í einum fólkaræðisligum og framkomnum samfelag, at tveir einstaklingar herseta almenna jørð, sum eigur at koma øllum samfelagnum til góðar í form av vindorku. Festarin og hansara støðutakan eiga her at víkja fyri einum almannagagnligum endamáli, og landsstýrið eigur sum skjótast at traðka í karakter fyri at loysa hetta málið.

Vinarliga

Jákup Suni Lauritsen, fyrrverandi nevndarformaður í SEV


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Annika Bolton Mortensen
Mest lisið í farnu viku
Eiga at halda fast við tálmandi rúsdrekka­politikkin
Sonni hevur Volvo "virus "
Kleptoman-landskassi
Rák (27) Damudomi um sexismu í almanna rúminum
R7 Premier League (29) - 10. des 2018
"Kom á 2069!" (42) - 7. des 2018
Metis - Øll sendingin - 11. desember 2018
NOVA úr Suðuroynni (33) - 10. des 2018
Tvístøða (49) - "Mín besti vinmaður hevur kvett sambandi við meg!"
Fuglafjarðarsendingin (14) - 06. des. 2018
Glasir!
Tvístøða (49) - Øll sendingin
Novembervitjan í Suðuroy - møtir og bíbliuskeið
Her verða allar gátur loystar
Tvístøða (49) - "Eingin hevur ábyrgdina av teimum, ið ikki finna bústað!"
Tíðindi klokkan 12
Heilsustøðan hjá Anne Graham Lotz - ferðin gjøgnum Skuggadalin longri enn væntað!
Janus Rein og Brandur Ellingsgaard: Nýtt advokat­felag byrjar í Føroyum
Rúni Jacobsen klakti eggini undir síni egnu dýnu
Løgtingið bíðar eftir málum og álitum
Tummas Henriksen kom á Miðvág við KATRIN JÓHANNU seinnapartin
Bústaðarpakkin trýstir vinnuna út
Hugnaløtan (16), tá Hanna Jensen var gestur, verður endursent í dag (7. des)
Brúgvin (113) - 10. des 2018
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi