4. dec. 2018: Orðaskiftið úr Løgtinginum kann nú hoyrast í útvarpi, á 98.3 MHz og 104.5 MHz. Tað er R2net, sum kemur við hesi tænastu. 

Ósemja hevur tikið seg upp um vindin í Hoyvíkshaga. Avtalan sum Vindrøkt og festarin í Hoyvíkshaga hava sínámillum forðar fyri útboðið í haganum, siga Umhvørvisstovan og SEV.  

R7 var við á býráðsfundi á Tvøroyri í gjár. Málið, um Kristin Michelsen bæði kann vera borgarstjóri og løgtingslimur var enn einaferð ikki á skrá. Á fundinum kom tó fram, at Kristin Michelsen, borgarstjóri, hevur kært Heilsu og - Innlendismálaráðið og hevur biðið løgmann um at flyta málið til eitt annað aðalráð.