Nýtt virksemi í turkihúsinum í Vági
Seinastu vikurnar hava fólk frá North Atlantic Seafood í Vági arbeitt við at gera turkihúsið, sum fyrr gekk undir navninum Faroese Apama og áðrenn hetta Palm Seafood, á keiini í Vági klárt til framleiðslu.
Í turkihúsinum vórðu fyrr turkaði m.a. høvd og fiskaskrokkar til afrikanska marknaðin. Nýggja virksemi í Vági fevnir eisini um at turka fisk. Nú fer North Atlantic Seafood undir at turka svartkjaft í túrkihúsinum, og eini 15 - 20 fólk fara at arbeiða á virkinum. Tað skrivar Suðuroyarportalurin í dag.
Vit hava fingið spennandi marknaðaratgongd bæði í Evropa og í Asia og hava longu sent fyrstu royndirnar avstað, greiða Alex Vilhelm og Finnbjørn Poulsen, stigtakarar frá.
Felagið hevur fingið royndarkvotu umvegis Fiskivinnuroyndir at fiska svartkjaft til turkingar til matna og eru nú farnir ígongd við virksemi.
Sambært Suðuroyarportalinum verður klárt at fara til arbeiðis í turkihúsinum á keiini í Vági um eini 14 dagar og tá koma tað eini 15 – 20 fólk at arbeiða á virkinum.
Mest lisið í farnu viku
Samband
Heygsvegur 8
490 Strendur